परळी: श्री संत भगवान बाबा प्रतिष्ठान आयोजित दुर्गुसवात आज सोमवार दिनांक 26 सप्टेंबर रोजी मुख्य संयोजक तथा भगवान सेनेचे सरसेनापती फुलचंद कराड व त्यांच्या सुविद्य पत्नी सौ.सुमनताई फुलचंद कराड यांच्या हस्ते देवीची घटस्थापना होणार आहे. सायंकाळी चार वाजता मोंढा मार्केट येथे हा कार्यक्रम होणार आहे दरम्यान उद्या दिनांक 27 सप्टेंबर पासून पुढील नऊ दिवस सांस्कृतिक कार्यक्रमाची रेलचेल असणार आहे.
कोरोना कालावधीत थांबलेली नवरात्र उत्सवाची परंपरा फुलचंद कराड यांनी पुन्हा कायम ठेवली असून आज दिनांक 26 सप्टेंबर पासून 2022 या कार्यक्रमाचे आयोजन करण्यात आले आहे.आज दिनांक 26 सप्टेंबर सायंकाळी चार वाजता देवी मूर्तीची घटस्थापना होणार आहे. मोंढा मैदान येथे देवीची मूर्ती आकर्षक व अत्यंत कल्पक रित्या सजविण्यात आली आहे. संयोजक फुलचंद कराड व त्यांच्या सुविद्य पत्नी सुमन ताई कराड यांच्या हस्ते देवीची स्थापना होणार आहे. संयोजकाकडून संपूर्ण कार्यक्रमाची जयंती तयारी करण्यात आली असून आज होणाऱ्या कार्यक्रमात भाविक भक्तांनी मोठ्या संख्येने उपस्थित राहावे असे आवाहन करण्यात येत आहे.
*उद्या होणार उद्घाटन*
महाराष्ट्रातील प्रसिद्ध अभिनेत्री तेजश्री प्रधान यांच्या हस्ते दि. 27 सप्टेंबर रोजी सांस्कृतिक कार्यक्रमाचा शुभारंभ होणार आहे. याच वेळी सिने अभिनेत्री अर्चना सावंत कोल्हापूर यांचा अप्सरा आली हा कार्यक्रम होणार आहे. या कार्यक्रमात तेजश्री प्रधान या सुद्धा सहभागी होणार आहेत. दरम्यान हा कार्यक्रम सायंकाळी सात वाजता होणार आहे. तसेच आठवडाभर दुर्गोत्सवात अनेक कार्यक्रम होणार असून नागरिकांनी याचा लाभ घ्यावा असे आवाहन संयोजकांच्या वतीने करण्यात येत आहे.