पोरीम, गोवा... 28 जानेवारी
गोवा विधानसभा निवडणुकीत भाजपाने काँग्रेसला अनोखी मात दिली. गोव्यातील पोरीम मतदारसंघातून भाजपाने प्रतापसिंह राणे यांची सून दिव्या राणे यांना उमेदवारी जाहीर केली. सुनेच्या नावाची घोषणा होताच प्रतापसिंह राणे यांनी आपली उमेदवारी मागे घेण्याचा निर्णय जाहीर केला. त्यामुळे ८७ वर्षीय प्रतापसिंह राणे हे पोरीममधून ११ वेळा आमदार म्हणून निवडून आले असले तरी आता प्रतापसिंह राणे आता पोरीम मतदरासंघातून निवडणूक लढवणार नाहीत.ते एकही निवडणूक हरलेले नाहीत.
आपल्या उमेदीच्या उमेदवाराने मैदान सोडण्याच्या निर्णयाने काँग्रेसलाही धक्का बसला आहे. पोरीमच्या जागेवर प्रतापसिंह राणे यांचा विजय निश्चित मानला जात होता भाजपाचे हे जुगाड काँग्रेसला धक्का देणारे आहे.
दिव्या राणे यांचे पती आणि प्रतापसिंह यांचा मुलगा विश्वजित राणे हे भाजपा सरकारमध्ये आरोग्यमंत्री आहेत. विश्वजित राणे हे वाळपोईतून निवडणूक लढवत आहेत. यावेळी भाजपाने विश्वजित राणे यांच्या पत्नीलाही निवडणुकीच्या रिंगणात उतरवले आहे. दिव्या राणे या पहिलीच निवडणूक लढवत आहेत.