થરાદ ખાતે થરાદ વાવ સુઇગામ તાલુકાના ભીલ સમાજ દ્વારા વિશ્વ આદિવાસી ગૌરવ દિવસની ઉજવણી કરવામાં આવી હતી જેમાં નારણદેવી રોડ પર આવેલી ભીલ સમાજની વાડી ખાતે આદીવાસી સમાજના બહોળી સંખ્યામાં લોકો એકઠા થઈ દીપ પ્રાગટય કરી સભાને સંબોધન કરી આમંત્રિત મહેમાનો તેમજ શિક્ષિત વિધાર્થી તારલાઓનું સન્માન સ્વાગત કરવામાં આવ્યું હતું ત્યારબાદ શહેરના વિવિધ માર્ગો પર રેલી સ્વરૂપે પરિભ્રમણ કરી વિશ્વ આદિવાસી ગૌરવ દિવસની ઉજવણી કરી હતી
વિશ્વ આદિવાસી દિવસની ઉજવણી નિમિતે સમાજના મોટી સંખ્યામાં લોકો એકઠા થયા હતા ત્યારે સભા સંબોધન બાદ જનતા હાઈસ્કૂલ, શેણલ માતાજી મંદિર, ટાંડા તળાવ, બસસ્ટેન્ડ રોડ, બળિયા હનુમાન ચોક, રેફરલ ત્રણ રસ્તા, ચાર રસ્તા, સાચોર રોડ એપીએમસી થઈને પુનઃ સમાજની વાડી ખાતે રેલીનું સમાપન કરવામાં આવ્યું હતું ત્યારબાદ વાડી ખાતે વૃક્ષારોપણ કરવામાં આવ્યું હતું આમ સમગ્ર દેશમાં વિશ્વ આદિવાસી ગૌરવ દિવસની ઉજવણી કરવામાં આવી રહી છે તેની સાથે સાથે થરાદ ખાતે ત્રણ તાલુકાઓના આદિવાસી સમાજના લોકો ભેગા મળી ઉજવણી કરાઈ હતી