Joa kali Shri Suresh Chavhanke ji Editor-in-Chief of Sudarshan News channel para lead kuri kena Ruzazho bosti Delegation logo Union Defense Minister shri Rajnath Singh ji ke new delhi minister laga ghor para lop payi shie. Shri Suresh Chavhanke ji para lead kuri kena delegation eki logo Ruzazho bosti teh INA army memorial museum banawole karne demand kurishie.
Nagaland laga Phek hills mojo teh Ruzazho bosti tuh Netaji laga azad hind bosti naam para bhi jane, jankari janiwo payishie, living testimony khan logo the. Aprill 1944 sal teh INA army Netaji subhash Chandra bose para lead kuri kena Ruzazho bosti teh ahishie. British army ke azadi larai kuria samoy the, eneka hui kena Ruzazho bosti desh teh Netaji Subhash Chandra Bose para lead kuria INA Azad Hind Fauj laga sopse pohila administered bosti huishie.
Netaji Subhash Chandra Bose, ituh bosti chari kena jawole samoy the, bosti laga garibi tuh dikhi kena monduk para kuishie, desh azadi pa-a logo Ruzazho bosti ke adopt kuriwo aru bosti laga kobal bhal kuri kena development diwole kuishie.
Netaji laga sapna tuh pura kuriwole karne Sudarshan news channel para ituh bosti ke adopt kurishie 23 janaury 2019 sal the. Channel laga editor-in-chief para kuishie Ruzazho bosti teh netaji laga sapna tuh pura kuribo.