Central government aru Assam government bitor tehh kotha milli kena Karbi militants groups logo teh peace deal sign kuri kena Karbi-anglong area ke ekta autonomous territorial council banayi diwole thakia tuhh jani kena Rengma Naga People’s Council Karbi-Anglong tehh thakia khan khushi napayi kena ase…kintu government para karbi militant rebel groups logo teh peace deal sign kuria tuh asli navasi Rengma manu khan laga manjuri naluyi kena kurishie kuishie. Indian constitution of India 6th schedule tehh diyi kena thakia provision tuh government bhal para sawole paria nai aru Rengma manu khan ke undera ke gusayi ase koi kena monduk jatayishie.
Rengma Hoho para bhi Rengma Naga People’s Council of Karbi-Anglong laga demands ke support kuri kena kuishie…historical evidences record teh bhi ase Rengma manu khan…Rengma hills tuh etia laga karbi-anglong area tehh poila british colonial shuru nahoi agee para buhi kena ahia laga mati ase kuishie.
Rengma Naga People’s Council president para kuishie, Rengma manu laga demands khan government para acknowledge nakuri kena thakia tuh bishi monduk ase, aru etia achanak para asli navasi khan ke chari kena rebel groups logo the agreement sign kuriwole thakia tuh manjuri nahowo kuishie. Rengma Naga People’s Council khan para union home minister Shri. Amit Shah ji logo tehh memorandum di kena mangia ase, etia thakia laga bokajan sub-division ke upgrade kuri kena phentecho ke headquarter kuri kena Rengma hills ke ekta autonomous district kuriwole mangia ase, etuh ekla nahoi kena Rengma manu karne ekta MLA seat bhi reserve demand kuria ase.