सुदर्शन के राष्ट्रवादी पत्रकारिता को आर्थिक सहयोग करे

Donation

शिक्षक पदवीधर मध्ये भाजपला दणका तर महा विकास आघाडी आघाडी वर... जाणून घ्या सध्या स्थिती

नागपूर पदवीधर निवडणुकीमध्ये आज झालेल्या मतमोजणीच्या पाचव्या फेरीअखेर 1 लक्ष 33 हजार 53 मतांची मोजणी पूर्ण झाली. तथापि, पसंतीक्रमाच्या या निवडणुकीमध्ये अपेक्षित असणारा 60 हजार 747चा कोटा कोणताही उमेदवार पूर्ण करू शकला नाही. अभिजित गोविंदराव वंजारी एकूण मते 55 हजार 947, संदीप जोशी एकूण मते 41 हजार 540 , अतुल कुमार खोब्रागडे 8 हजार 499 , नितेश कराळे 6 हजार 889 मते मिळाली. विजयासाठी निश्चित केलेला मतांचा कोटा पूर्ण न करू शकल्यामुळे या निवडणुकीतील मतमोजणीचा भाग क्रमांक 2 सुरु करण्यात आला. त्यानुसार दुसऱ्या पसंतीक्रमाची मते बाद फेरीनुसार मोजणीला सुरुवात झाली आहे.

Snehal Joshi .
  • Dec 4 2020 10:28AM
महाराष्ट्र पुणे पदवीधर मतदारसंघात महाविकास आघाडीच्या अरुण लाड यांचा विजय विधानपरिषदेच्या तीन पदवीधर आणि दोन शिक्षक मतदारसंघासह धुळे नंदुरबार विधानपरिषद मतदारसंघाच्या निवडणकीची मतमोजणी आज होत आहे. पदवीधर आणि दोन शिक्षकनिवडणुकीची मतमोजणी सकाळी आठ वाजेपासून सुरु होणार आहे. कोरोनाच्या पार्श्वभूमीवर पार पडलेल्या या निवडणुकीचा अंतिम निकाल यायला वेळ लागण्याची शक्यता आहे. गृहमंत्री अनिल देशमुख यांच्याकडून पदवीधर आणि शिक्षक मतदारसंघातील विजयी उमेदवारांचं अभिनंदन, म्हणाले, स्पष्ट कौल देणाऱ्या महाराष्ट्रापुढं आम्ही नतमस्तक आहोत. सत्तेत राहण्यासाठीचे गणित आम्ही वर्षापूर्वीच जुळवले; आता भरभक्कम लोकसमर्थनही मिळवले. कालही आम्ही जनतेपुढे विनम्र होतो, आजही आहोत आणि सदैव राहु. #महाविकासआघाडी च्या विजयी शिलेदारांचे अभिनंदन. ••••••••••••••••••••••••••• पुणे पदवीधर पहिल्या पसंतीच्या मतांचा कोटा निश्चित, महाविकास आघाडीचे अरुण लाड यांना 1 लाख 22 हजार 145 मते, भाजपचे संग्राम देशमुख यांना पहिल्या पसंतीची73321 मतं, 48 हजार 824 मतांनी शिवसेना, राष्ट्रवादी काँग्रेस, काँग्रेस महाविकास आघाडीचे राष्ट्रवादीचे उमेदवार अरुण लाड यांचा पहिल्या फेरीतच दणदणीत विजय. ••••••••••••••••••••••••••• नागपूर पदवीधर विधानपरीषदेच्या निवडणुकीत कॉंग्रेस व महाविकास आघाडीचे उमेदवार अभिजीत वंजारी विजयी झाल्याचा काँग्रेसचा दावा, भाजपाच्या बालेकिल्ल्याला सुरुंग, सत्यजीत तांबेंची प्रतिक्रिया ••••••••••••••••••••••••••• पुणे पदवीधर मतदारसंघातुन महाविकास आघाडीच्या अरुण लाड यांनी पहिल्या फेरीत विजयासाठी आवश्यक असलेली मते मिळवली आहेत. मतमोजणी सुरुच राहणार असली तरी लाड यांचा विजय पक्का झाला आहे. त्यामुळे अरुण लाड हे सकाळी नऊ वाजता राष्ट्रवादी काँग्रेसचे अध्यक्ष शरद पवार यांना भेटण्यासाठी त्यांच्या मोदीबागेतील निवासस्थानी जाणार आहेत. ••••••••••••••••••••••••••• पुणे विभागातील शिक्षक मतदारसंघातील मतमोजणी ही बाद पर्यंत पोहोचली असून काँग्रेसचे जयंत आसगावकर हे आघाडी वरती आहेत. विसाव्या बाद फेरी  अखेर जयंत आंसगावकर यांना 17 हजार 117 इतकी मते मिळालेली आहेत तर अपक्ष उमेदवार आणि विद्यमान आमदार दत्तात्रय सावंत यांना 11 हजार 161 इतकी मते मिळाली आहेत. भाजपचे उमेदवार जितेंद्र पवार इथे तिसऱ्या क्रमांकावरती आहेत . त्यांना पाच हजार 878 इतकी मतं मिळालेली आहेत.  मतमोजणी सुरू आहे.  पुणे पदवीधर मतदारसंघाची मतमोजणी सुरूच असून अद्याप एकूण मतांची मोजणीही पूर्ण होणे बाकी आहे. त्यानंतर पहिल्या फेरीत विजयासाठी किती मतांचा कोटा आवश्यक असेल हे ठरेल. या मतदारसंघात महाविकास आघाडीचे अरुण लाड हे आघाडी वरती आहेत. आतापर्यंत एक लाख 23 हजार 200 मतांची मोजणी पूर्ण झालीये त्यामध्ये अरुण लाड यांना 62 हजार 992 इतकी मते मिळालेली आहेत तर त्यांचे प्रतिस्पर्धी भाजपचे संग्राम देशमुख यांना 35 हजार 32 इतकी मतं मिळाली आहेत. या मतदारसंघात एकूण झालेले मतदान हे 248001 हून अधिक आहे. ••••••••••••••••••••••••••• नागपूर पदवीधर निवडणुकीमध्ये आज झालेल्या मतमोजणीच्या पाचव्या फेरीअखेर 1 लक्ष 33 हजार 53 मतांची मोजणी पूर्ण झाली. तथापि, पसंतीक्रमाच्या या निवडणुकीमध्ये अपेक्षित असणारा 60 हजार 747चा कोटा कोणताही उमेदवार पूर्ण करू शकला नाही. अभिजित गोविंदराव वंजारी एकूण मते 55 हजार 947, संदीप जोशी एकूण मते 41 हजार 540 , अतुल कुमार खोब्रागडे 8 हजार 499 , नितेश कराळे 6 हजार 889 मते मिळाली. विजयासाठी निश्चित केलेला मतांचा कोटा पूर्ण न करू शकल्यामुळे या निवडणुकीतील मतमोजणीचा भाग क्रमांक 2 सुरु करण्यात आला. त्यानुसार दुसऱ्या पसंतीक्रमाची मते बाद फेरीनुसार मोजणीला सुरुवात झाली आहे. ••••••••••••••••••••••••••• अमरावती विभाग शिक्षक मतदार संघ निवडणूक, अपक्ष उमेदवार अॅड किरण सरनाईक 6 हजार 106 मतांनी आघाडीवर, महाविकास आघाडीचे उमेदवार श्रीकांत देशपांडे यांना 5 हजार 155 मतांनी द्वितीय क्रमांकावर. शिक्षक महासंघाचे उमेदवार शेखर भोयर 4926 मतांनी तृतीय क्रमांकावर ••••••••••••••••••••••••• पुणे पदवीधर मतदारसंघ - राष्ट्रवादी काँग्रेस च्या अरुण लाड यांची आघाडी कायम...प्रतिस्पर्धी भाजपचे संग्राम देशमुख यांच्या पेक्षा साधारण दहा हजार मतांनी पुढे, आतापर्यत 65 ते 70 हजार मतांची छाननी.... ••••••••••••••••••••••••••• अमरावती विभाग शिक्षक मतदार संघ निवडणूक. अपक्ष उमेदवार अँड. किरण सरनाईक ६ हजार ०८८ मतांनी आघाडीवर. महाविकास आघाडीचे उमेदवार श्रीकांत देशपांडे यांना ५ हजार १२२ मतांनी द्वितीय क्रमांकावर. शिक्षक महासंघाचे उमेदवार शेखर भोयर ४८८९ मतांनी तृतीय क्रमांकावर. ••••••••••••••••••••••••••• पुणे : पदवीधर आणि शिक्षक मतदारसंघासाठी मतमोजणी प्रक्रियेला पुण्यातल्या बालेवाडी येथील श्री शिव छत्रपती क्रीडा संकुलात सुरुवात झाली आहे. या दोन्ही मतदारसंघात निकाल पहिल्या पसंतीच्या मतामध्येच  लागणार की, पुढील फेऱ्यांची मतमोजणी करावी लागणार याबाबतचे चित्र पदवीधरसाठी रात्री नऊ वाजताच्या सुमारास तर शिक्षकसाठीचे चित्र साधारण सायंकाळी 7 वाजेपर्यंत स्पष्ट होऊ शकते, अशी माहिती विभागीय आयुक्त सौरभ राव यांनी दिली आहे. ••••••••••••••••••••••••••• अमरावती विभाग शिक्षक मतदारसंघ निवडणूक मतमोजणी प्रक्रियेला सुरुवात, अमरावती विभाग शिक्षक मतदारसंघाच्या निवडणूकीच्या मतमोजणीला आज सकाळी आठ वाजता सुरुवात झाली. विलासनगर येथील शासकीय गोदाम येथे असलेल्या मजमोजणी स्थळी आज सकाळी सहा वाजता सर्व अधिकारी व कर्मचारी दाखल झाले. सर्वांना पुन्हा त्यांची जबाबदारी समजावून देण्यात आली. त्यानंतर सुरक्षा कक्षाचे सील तोडून मतपेट्या मतमोजणी कक्षात हलविण्यात आल्या. ••••••••••••••••••••••••••• धुळे - धुळे आणि नंदुरबार स्थानिक स्वराज संस्थेच्या विधानपरिषद पोटनिवडणुकीच्या मतमोजणीत चार मतं अवैध, भाजपच्या अमरीश पटेल यांना 332 तर काँग्रेसचे अभिजित पाटील यांना 98 मतं मिळाली, अमरीश पटेल यांचा विजय, मात्र अधिकृत घोषणा झालेली नाही ••••••••••••••••••••••••••• पुणे पदवीधर, शिक्षक मतदार संघ निवडणूक मतमोजणी प्रक्रियेस सुरुवात, पुणे पदवीधरमध्ये भाजपकडून संग्रामसिंह देशमुख आणि राष्ट्रवादीचे अरुण लाड आणि अपक्ष श्रीमंत कोकाटे यांच्यात प्रमुख लढत झाली. या ठिकाणी मनसेच्या रुपाली पाटील देखील मैदानात आहेत. तर औरंगाबाद पदवीधरमध्ये राष्ट्रवादीचे सतीश चव्हाण आणि भाजपचे शिरीष बोराळकर यांच्यात लढत झाली. नागपूर पदवीधरमध्ये भाजपचे संदीप जोशी आणि काँग्रेसचे अभिजित वंजारी यांच्यात थेट लढत झाली. तर पुणे शिक्षक मतदारसंघात काँग्रेसचे जयंत आसगावकर आणि भाजपचे जितेंद्र पवार आणि अपक्ष म्हणून मैदानात असलेले दत्तात्रय सावंत यांच्यात प्रमुख लढत झाली. तर अमरावती शिक्षक मतदारसंघात शिवसेनेचे श्रीकांत देशपांडे आणि भाजपचे नितीन धांडे यांच्यात लढत झाली. ••••••••••••••••••••••••••• धुळे - धुळे आणि नंदुरबार स्थानिक स्वराज संस्थेच्या विधानपरिषद पोटनिवडणुकीच्या मतमोजणीत 434 पैकी 4 मतं बाद, 430 मतं वैध, प्रत्यक्ष मतमोजणीला सुरुवात, 216 प्रथम प्राधान्याची मतं घेणारा उमेदवार जिंकणार, मतमोजणीत सुरुवातीलाच भाजप उमेदवार अमरीश पटेल आघाडीवर. 437 पैकी 434 मतदारांनी बजावला आहे मतदानाचा हक्क, भाजप विरुद्ध महाविकास आघाडी अशी सरळ लढत, भाजप कडून अमरीश पटेल तर महाविकास आघाडी कडून अभिजित पाटील निवडणूक रिंगणात, अवघ्या काही वेळात येणार निकाल ••••••••••••••••••••••••••• मराठवाडा पदवीधर मतदारसंघाच्या निवडणुकीसाठी 3 लाख 73 हजार 166 पैकी 2 लाख 40 हजार 796 मतदारांनी मतदान केल्यानंतर आता आज सकाळपासून मतमोजणीची उत्सुकता लागली आहे. आज सकाळी आठ वाजता मतमोजणीला सुरुवात झाल्यानंतर रात्री आठ नंतरच निकाल येतील असा अंदाज बांधला जातोय. मतदारांची मतदानाची टक्केवारी वाढली आणि उमेदवारांची संख्या लक्षात घेऊन यावेळी 56 टेबलवर मतमोजणी होणार आहे .यासाठी पाच फेऱ्या होणार आहेत. या फेऱ्यांमध्ये वैध मतांची छाननी करून पहिल्या पसंतीच्या मतांची सुरुवातीला मोजणी करण्यात येणार आहे. निवडून येण्यासाठीच्या मतांचा कोटा ठरल्यानंतर प्रथम पसंती क्रमांकावर कोणत्याही उमेदवाराने कोटा पूर्ण केला नाही तर दुसऱ्या पसंतीची मते मोजली जाणार आहेत.. •••••••••••••••••••••••••• नागपूर विभाग पदवीधर मतदारसंघाच्या निवडणुकीसाठी 2 लाख 6 हजार 454 मतदारांपैकी 1 लाख 32 934 म्हणजेच 64.38 टक्के मतदारांनी मतदान केले.. आज सकाळी 8 पासून मतमोजणी होणार आहे... मतदानाची टक्केवारी वाढली आहे त्यामुळे वाढलेल्या मतदानाचा फायदा कुणाला आणि मतदारांचा कौल कुणाला याची उत्सुकता लागली आहे... एकूण 19 उमेदवार रिंगणात असून 28 टेबलवर मतमोजणी होणार असून पाच फेऱ्या होणार आहेत.. सुरुवातीला 25 - 25 मतांचे bunch बनविले जाणार असून त्यानंतर प्रत्यक्ष मतमोजणी होणार आहे... मोजणीच्या 5 फेऱ्यांमध्ये वैध मतांपैकी पहिल्या पसंतीच्या मतांची सुरुवातीला मोजणी करण्यात येणार आहे... त्यात समोर असलेल्या उमेदवाराने ठरलेला कोटा पूर्ण केला तर दुसऱ्या पसंतीचे मत मोजले जाणार नाही ••••••••••••••••••••••••••• मुंबई : विधानपरिषदेच्या पदवीधर आणि शिक्षक मतदारसंघातील पाच जागांसाठी 1 डिसेंबर रोजी मतदान प्रक्रिया पार पडली. विधानसभा निवडणुकीनंतर महाविकास आघाडी आणि भाजप या निवडणुकीच्या निमित्ताने पहिल्यांदा समोरासमोर लढले. राज्यात पुणे पदवीधर आणि शिक्षक मतदारसंघासह, नागपूर पदवीधर, औरंगाबाद पदवीधर आणि अमरावती शिक्षक मतदारसंघात निवडणूक पार पडली. या निवडणुकीची मतमोजणी सकाळी आठ वाजेपासून सुरु होणार आहे. कोरोनाच्या पार्श्वभूमीवर पार पडलेल्या या निवडणुकीचा अंतिम निकाल यायला वेळ लागण्याची शक्यता आहे. ••••••••••••••••••••••••••• धुळे-नंदुरबार विधानपरिषदेच्या पोटनिवडणुकीचा निकाल देखील आज लागणार आहे. काँग्रेसमधून भाजपात आलेल्या अमरीश पटेल तसेच भाजपमधून काँग्रेसमध्ये आलेल्या अभिजीत पाटील यांच्यात ही सरळ लढत झाली आहे. अमरिश पटेल यांनी विधान परिषदेच्या सदस्यत्वाचा 30 सप्टेंबरला राजीनामा दिला होता. त्यांचा विधान परिषद सदस्यत्वाचा कालावधी 14 डिसेंबर 2021 या दिवशी पूर्ण होत होता. मात्र तत्पूर्वीच त्यांनी राजीनामा दिल्यानं केवळ 12 महिन्यांचा कालावधी निवडून येणाऱ्या उमेदवाराला मिळणार आहे. काँग्रेसच्या बालेकिल्ल्यात झालेल्या राजकीय घडामोडींचा या निवडणुकीत भाजपला फायदा होणार कि महाविकास आघाडी सरकारला फायदा होणार हे आज कळणार आहे. •••••••••••••••••••• धुळे, नंदुरबार विधान परिषद निवडणुकीत ९९ टक्के मतदान झालं झालंय .आज धुळे जिल्हाधिकारी कार्यालयाच्या आवारातील नियोजन सभागृहात मतमोजणीला सुरुवात झालीय .दोन टेबलवर बॅलेटपेपर द्वारे ही मतमोजणी प्रक्रिया होत आहे .धुळे जिल्ह्यातील चार, नंदुरबार जिल्ह्यातील सहा मतदान केंद्रावर मतदान झालंय .भाजपचे अमरीश पटेल काँग्रेस चे अभिजित पाटील या दोघांपैकी कोण विधानपरिषदेत जाणार हे अवघ्या काही वेळात स्पष्ट होईल . पार्श्वभूमी मुंबई : विधानपरिषदेच्या पदवीधर आणि शिक्षक मतदारसंघातील पाच जागांसाठी 1 डिसेंबर रोजी मतदान प्रक्रिया पार पडली. विधानसभा निवडणुकीनंतर महाविकास आघाडी आणि भाजप या निवडणुकीच्या निमित्ताने पहिल्यांदा समोरासमोर लढले. राज्यात पुणे पदवीधर आणि शिक्षक मतदारसंघासह, नागपूर पदवीधर, औरंगाबाद पदवीधर आणि अमरावती शिक्षक मतदारसंघात निवडणूक पार पडली. या निवडणुकीची मतमोजणी सकाळी आठ वाजेपासून सुरु होणार आहे. कोरोनाच्या पार्श्वभूमीवर पार पडलेल्या या निवडणुकीचा अंतिम निकाल यायला वेळ लागण्याची शक्यता आहे.   पुणे पदवीधरमध्ये भाजपकडून संग्रामसिंह देशमुख आणि राष्ट्रवादीचे अरुण लाड आणि अपक्ष श्रीमंत कोकाटे यांच्यात प्रमुख लढत झाली. या ठिकाणी मनसेच्या रुपाली पाटील देखील मैदानात आहेत. तर औरंगाबाद पदवीधरमध्ये राष्ट्रवादीचे सतीश चव्हाण आणि भाजपचे शिरीष बोराळकर यांच्यात लढत झाली. नागपूर पदवीधरमध्ये भाजपचे संदीप जोशी आणि काँग्रेसचे अभिजित वंजारी यांच्यात थेट लढत झाली.   तर पुणे शिक्षक मतदारसंघात काँग्रेसचे जयंत आसगावकर आणि भाजपचे जितेंद्र पवार आणि अपक्ष म्हणून मैदानात असलेले दत्तात्रय सावंत यांच्यात प्रमुख लढत झाली. तर अमरावती शिक्षक मतदारसंघात शिवसेनेचे श्रीकांत देशपांडे आणि भाजपचे नितीन धांडे यांच्यात लढत झाली.   महाविकास आघाडीचे उमेदवार महाविकास आघाडीकडून पदवीधर आणि शिक्षक मतदारसंघासाठी पाच उमेदवार मैदानात आहेत. यामध्ये काँग्रेस आणि राष्ट्रवादी काँग्रेसचे प्रत्येकी दोन तर शिवसेनेचा एक उमेदवार रिंगणात आहे.   अमरावती शिक्षक मतदारसंघ - श्रीकांत देशपांडे, शिवसेना पुणे पदवीधर मतदारसंघ - अरुण लाड, राष्ट्रवादी काँग्रेस पुणे शिक्षक मतदारसंघ - प्रा. जयंत आसगांवकर, काँग्रेस औरंगाबाद पदवीधर मतदारसंघ - सतीश चव्हाण, राष्ट्रवादी काँग्रेस नागपूर पदवीधर मतदारसंघ - अभिजीत वंजारी, काँग्रेस   भाजपचे उमेदवार   तर भाजपनेही महाविकास आघाडीविरोधात उमेदवार रिंगणात उतरवले आहेत. दरम्यान निवडणुकीच्या आधी भाजपमध्ये बंडखोरी पाहायला मिळाली. औरंगाबाद पदवीधर मतदारसंघात उमेदवारी न दिल्याने रमेश पोकळे यांनी बंडखोरी केली आहे.   अमरावती शिक्षक मतदारसंघ - डॉ. नितीन धांडे पुणे पदवीधर मतदारसंघ - संग्राम देशमुख पुणे शिक्षक मतदारसंघ - जितेंद्र पवार (भाजप पुरस्कृत अपक्ष) औरंगाबाद पदवीधर मतदारसंघ - शिरीष बोरनाळकर नागपूर पदवीधर मतदारसंघ - संदीप जोशी   धुळे-नंदुरबार विधानपरिषदेच्या पोटनिवडणुकीचा निकाल आज धुळे-नंदुरबार विधानपरिषदेच्या पोटनिवडणुकीचा निकाल देखील आज लागणार आहे. काँग्रेसमधून भाजपात आलेल्या अमरीश पटेल तसेच भाजपमधून काँग्रेसमध्ये आलेल्या अभिजीत पाटील यांच्यात ही सरळ लढत झाली आहे. अमरिश पटेल यांनी विधान परिषदेच्या सदस्यत्वाचा 30 सप्टेंबरला राजीनामा दिला होता. त्यांचा विधान परिषद सदस्यत्वाचा कालावधी 14 डिसेंबर 2021 या दिवशी पूर्ण होत होता. मात्र तत्पूर्वीच त्यांनी राजीनामा दिल्यानं केवळ 12 महिन्यांचा कालावधी निवडून येणाऱ्या उमेदवाराला मिळणार आहे. काँग्रेसच्या बालेकिल्ल्यात झालेल्या राजकीय घडामोडींचा या निवडणुकीत भाजपला फायदा होणार कि महाविकास आघाडी सरकारला फायदा होणार हे आज कळणार आहे.

सहयोग करें

हम देशहित के मुद्दों को आप लोगों के सामने मजबूती से रखते हैं। जिसके कारण विरोधी और देश द्रोही ताकत हमें और हमारे संस्थान को आर्थिक हानी पहुँचाने में लगे रहते हैं। देश विरोधी ताकतों से लड़ने के लिए हमारे हाथ को मजबूत करें। ज्यादा से ज्यादा आर्थिक सहयोग करें।
Pay

ताज़ा खबरों की अपडेट अपने मोबाइल पर पाने के लिए डाउनलोड करे सुदर्शन न्यूज़ का मोबाइल एप्प

0 Comments

संबंधि‍त ख़बरें

ताजा समाचार