Kohima town India teh dosta smart cities rank teh ahishie.
Nagaland laga capital town Kohima, India laga out of 100 cities bitor teh dosta rank teh smart city payishie. Data Maturity Assessment Framework teh ekta enabled city certified huishie, joa kali porsa 25 june din new delhi teh Union ministry of housing aru urban affairs dept Smart City Mission, Atal Mission for Rejuvenation and Urban Transformation aru Pradhan Mantri Awas Yojana laga sixth anniversary celebration teh ghoshna kurishie.
Etuh baar northeast cities bitor teh Kohima town ekla top ten position teh ahiwo parishie. Smart cities Mission February 2019 sal teh Data Smart Cities Strategy launched kurishie, India teh alak alak 100 urban cities bitor teh dikdar sthiti kam ke, possibilities teh budli kuri kena kam teh chalu kuriwole karne roadmap tuh shuru kurishie. Kohima smart city project karne kuria kam kumba tuh huile; city data policy draft tiyar kuria, dedicated open city data portal, critical datasets-pani, hawa, mobility aru khatra laga sectors teh data analysis kuri kena tiyar kurishi.
Ituh project teh ekta nazuk aru sopse dangor kam tuh huile, bishi wola datas khan state laga alak alak individual departments para data coordinators appoint kuri kena reports khan tiyar kurishie.Individual departments khushi para datas khan kohima smart city karne tiyar kuri kena share kuridia karne official para sarahna kurishie.