नंदुरबार - पकडलेला मद्यसाठा नियमानुसार नष्ट करण्या ऐवजी परस्पर ज्या हॉटेलवाल्याला विकला त्याच हॉटेलवर दुसऱ्या विभागाने अचानक छापा टाकल्यामुळे एका विभागाचे बिंग फुटले आणि आता ती "छोटी"सी भुल त्याना महाग पडणार असे दिसू लागले आहे.
सुदर्शन न्युज ला सूत्रांच्या माध्यमातून कळलेली घटना अशी की नंदुरबारच्या एका विभागातील पथकाने काही दिवसांपूर्वी अवैध मद्य साठा पकडला. नियमानुसार तो नंतर नष्ट करायला हवा होता. परंतु एका अधिकाऱ्याने परस्पर मद्यसाठा नंदुरबार शहरालगतच्या हॉटेलात विकण्याची छोटी सी भूल केली. काही दिवसातच दुर्दैवाने ध्यानी मनी नसताना अचानक दुसऱ्या विभागाचे पथक त्या हॉटेलवर धडकले. छापा टाकून तपासणी केली तेव्हा आढळून आलेले बॉक्स वरील बॅच नंबर त्यांना संशयास्पद वाटले. त्यावरूनच पोल खोल झाली, अशी शहरात जोरदार चर्चा आहे. वरिष्ठ अधिकारी दखल घेणार की झाकली मूठ सव्वा लाखाची करणार याकडे सर्वांचे लक्ष लागले आहे.