भिंतीच्या वादातून नणंदने विट मारुन विवाहितेचे डोके फोडले

संजय नगरातील घटना


नंदुरबार- घराच्या भिंतीला तडा गेल्याचा जाब विचारल्याने संतप्त झालेल्या नणंदने विवाहितेला विट मारुन डोके फोडल्याची घटना शहरातील संजय नगरात घडली आहे.

याबाबत अधिक माहिती अशी की, संजय नगरातील बुस्टर पंप जवळ राहणाऱ्या अनिता नाना मराठे (३५) यांच्या घराच्या सामाईक भिंतीत शेजारी राहणाऱ्या त्यांच्या नणंद मिराबाई प्रल्हाद मराठेस यांनी खिळा ठोकला त्यामुळे भिंतीला तडा गेला याबाबत अनिता मराठे यांनी हिराबाई यांना जाब विचारला असता त्याचा रागातून त्यांनी विट मारुन अनिता मराठे यांचे डोके फोडले.तसेच हाताबुक्क्यांनी मारहाण करून वाईट शिवीगाळ करून जीवे ठार मारण्याची धमकी दिली.सदर घटना दि.१५ जुन रोजी दुपारी ४.३० वाजता घडली.याप्रकरणी नंदुरबार शहर पोलिस ठाण्यात गुन्हा दाखल करण्यात आला आहे.तपास हवालदार रतिलाल पावरा करीत आहेत.