नंदुरबार दि.30: आदिवासी विकास विभागामार्फत केंद्र शासनाकडील सन 2017-2018 या आर्थिक वर्षाकरिता भारतीय संविधानाचे अनुच्छेद 275 (1) योजनेअंतर्गत आदिवासी शेतकऱ्यांना सोलर पंपासाठी अनुदान देण्यात येणार असून नंदुरबार, नवापूर व शहादा तालुक्यातील अनुसूचित जमातीच्या शेतकऱ्यांकडून 9 सप्टेंबर 2021 पर्यंत अर्ज मागविण्यात आले आहेत.
सोलर पंप अर्थसहाय्यासाठी शेतकरी अनुसूचित जमातीचा असावा व वार्षिंक उत्पन्न 1 लाख 50 हजाराच्या आत असावे किंवा लाभार्थी दारिद्र्य रेषेखालील असावा. लाभर्थ्यांकडे सिंचनाचे साधन असावे. (विहीर, इतर ) विद्युत कंपनीकडून वीज जोडणी झालेली नसावी. लाभार्थ्यांने यापूर्वी मुख्यमंत्री सोलर पंप व प्रधानमंत्री सोलर पंप योजनेचा अथवा इतर कोणत्याही शासकीय विभागाकडून लाभ घेतलेला नसावा. अर्जासोबत ना-हरकत प्रमाणपत्र, ग्रामसभेचा ठराव, पासपोर्ट फोटो, जातीचा दाखला, उत्पनाचा दाखला, दारिद्र्य रेषेखालील दाखला, सातबारा उतारा, वनहक्क प्रमाणपत्र , आधारकार्ड, बँक खाते क्रमांक इत्यादी जोडणे आवश्यक राहील.
योजनेच्या अधिक माहितीसाठी व अर्जासाठी (सुटीचे दिवस वगळून ) एकात्मिक आदिवासी विकास प्रकल्प कार्यालय, नवापूर रोड नंदुरबार येथे सकाळी 10 ते सायंकाळी 6 या वेळेत संपर्क साधावा असे आवाहन प्रकल्प अधिकारी तथा सहाय्यक जिल्हाधिकारी मीनल करनवाल यांनी केले आहे.
नंदुरबार जिल्हा प्रतिनिधी - केतन रघुवंशी मो. 8421732333 / 9637732333