ઝાલોદ તાલુકાના વગેલા જિલ્લા પંચાયત સીટ માં આજ રોજ 15મું નાણાંપંચ અંતર્ગત વર્ષ ૨૦૨૦-૨૦૨૧ અને ૨૦૨૧-૨૦૨૨ મંજૂર કરવામાં આવેલ આશરે ૯૦ લાખ નાં કામો જેવાકે, બલેંડીયા -1 મુકામે નવીન આંગણવાડી,પેથાપુર પાતા નવીન આંગણવાડી,પેથાપુર ગામે પશુ ચિકિત્સા માટે નવીન મકાન અને અંડરગ્રાઉન્ડ ગટર, વખતપૂરા -૧ માં નવીન આંગણવાડી , થેરકા માળ ફળિયામાં નવીન આંગણવાડી, થેરકી-૨ નવીન આંગણવાડી, મેલનિયા નીચલું ફળિયામાં નવીન આંગણવાડી, થેરકા ગામે અમરા ફળિયામાં કોતર પર ડીપ નાળું,લીલવા ઠાકોર ગામે તળાવ ફળિયામાં અંડરગ્રાઉન્ડ ગટર, ચાકલીયા - બોરસદ ગામે રાહત શિબિર તરીકે પીડિત લોકોના સુરક્ષિત આશ્રય અને પુનઃવસન માટે આધુનિક સુવિધાયુક્ત હોલ બનાવવાના કામોનાં ખાતમુહૂર્ત જિલ્લા પંચાયતના પ્રમુખ શીતલકુમારી વાઘેલાનાં વરદ હસ્તે કરવામાં આવ્યું.
આ પ્રસંગે તાલુકા ભાજપ પ્રમુખ મુકેશભાઈ પરમાર, તાલુકા પંચાયત સભ્ય નીલેશભાઈ, તાલુકા પંચાયત સભ્ય વિનોદભાઈ સંગાડા, થેરકા સરપંચ રાજુભાઇ સંગાડા, વખાતપુરા સરપંચ,સરપંચ પેથાપુર રાજેશભાઈ,ઉપસરપંચ ઉપેન્દ્રભાઈ, ,રાજુભાઈ બલેંડીયા, મિથુનભાઈ, ઇસુભાઈ લબાના, થેરકા- પેથાપુર - લીલવા ઠાકોર , મેલાનિયા ગામના આગેવાનો,કાર્યપાલક ઇજનેર મુનિયા સાહેબ તથા r&b નો સ્ટાફ,સી.ડી.પી.ઓ એમીબેન, આંગણવાડી કાર્યકર બહેનો,નરેગાનાં અધિકારીઓ ઉપસ્થિત રહ્યા હતા.