तालुका सिन्नर येथील वावी गाव येथील बाजार समिती सिन्नर यांचे गाळे भाडे धारकांना 29 वर्ष कराराने रजिस्टर भाडेकराराने दिले

नाशिक - तालुका सिन्नर येथील वावी गाव येथील
 बाजार समिती सिन्नर यांचे गाळे भाडे धारकांना 29 वर्ष कराराने रजिस्टर भाडेकराराने दिलेले असताना बाजार समितीने व सक्षम अधिकारी रस्ते विकास महामंडळ सिन्नर यांनी भाडे धारकांना कुठलीही पूर्वसूचना न देता व उच्च न्यायालय मुंबई यांचे पुढील भाडे धारकांचे बाजार समिती व सक्षम अधिकारी रस्ते विकास महामंडळ यांचे विरुद्ध रिट पिटीशन दाखल असताना देखील आज पोलीस बंदोबस्तात वावी येथील भाडेकरूंचे गाळे उध्वस्त करण्याचे काम सुरू केले. भाडेकरूंनी पोलीस अधीक्षक नाशिक तसेच वावी येथील पोलीस निरीक्षक यांना लेखी कळवूनही तसेच बाजार समितीचे सभापती व सचिवांना पत्र देऊनही भाडेकरूवर मोठा अन्याय झाला आहे.  तसेच माननीय उच्च न्यायालय मुंबई यांचे पुढील रिट पिटीशनचाही अनादर केला गेला आहे. शासकीय यंत्रणेने तसेच बाजार समिती यांनी स्वतःकडील असलेल्या अधिकारांचा अतिशय बेमुर्वतपणे व  गुंडगिरीच्या माध्यमातून वापर करून सामान्य भाडेकरूंना नुकसान भरपाईची रक्कम न देता राजकीय द्वेषातून, प्रताडीत करून, रस्त्यावर आणून देशोधडीला लावले आहे. भाडेकरूंना 29 वर्षाच्या मुदतीची कोणतीही नुकसान भरपाई न देता व कायदेशीर मार्गाने गाळे खाली करून न घेता, कायदा हातात घेऊन बाजार समिती व रस्ते विकास महामंडळाने अधिकाराचा दुरुपयोग केला आहे. माननीय उच्च न्यायालय मुंबई यांचे पुढील याचिकेमध्ये या सर्व बाबी गाळेधारक नमूद करून अन्यायाविरुद्ध दाद मागणार आहेत.