मुंबई : सुशांत सिंह राजपूत आत्महत्या प्रकरणानंतर समोर आलेल्या ड्रग्स प्रकरणी रिया चक्रवर्ती आणि तिचा भाऊ शौविकसह NCB ने 6 लोकांना अटक केली आहे. सुत्रांनी दिलेल्या माहिती नुसार रिया चक्रवर्तीने NCB समोर ड्रग्ज प्रकरणी बॉलिवूडमधील 25 सेलिब्रिटींची नावं घेतलेली आहेत. रिया आणि शौविकच्या चॅटमधून ही माहिती मिळाली असल्याची माहिती आहे. द टाईम्स ऑफ इंडियाच्या रिपोर्टनुसार एनसीबीच्या रडारवर आता अभिनेत्री रकुलप्रीत सिंह, सारा अली खान, आणि फॅशन डिझायनर सिमोन खंबाटा ही नावं आहेत, कारण ही नावं रियानं घेतली असल्याची माहिती खात्रीलायक सुत्रांनी दिली आहे.NCB ने रिया चक्रवतीच्या केलेल्य़ा चौकशी मध्ये बॉलिवूड 25 जणांची नावे घेतली आहेत. ज्यांना चौकशीसाठी एनसीबी बोलवण्याच्या तयारीत आहे. बॉलिवूड मधील हे 25 सेलिब्रिटी ड्रग्ज घेत असल्याची माहिती रियाने NCB ला दिलीय. रियाने दिलेल्या याच माहितीच्या आधारे आज एनसीबी मुंबई आणि गोव्यामध्ये छापे टाकत आहे. तर रियाचा भाऊ शौविकने ड्रग्जसाठी रिया कधी कधी आपल्या अकाउंट मधून पैसे देत असल्याची कबुली दिली आहे.
सॅम्युअल आणि शौविक दोघांनीही रिया ही सुशांतसाठी ड्रग्ज मागवत असल्याची कबूली NCB ला दिली आहे.