सफाळे-उंबरपाडा ग्रामसेवालयाचा शुभारंभ , महाराष्ट्रातील आगळीवेगळी लक्षवेधक एकमेव सफाळे-उंबरपाडा ग्रामपंचायत.

सफाळे - कोव्हिड १९ चा प्रादुर्भाव असल्याने सफाळे-उंबरपाडा ग्रामसेवालयाचे शुभारंभ  साध्या पद्धतीने करण्यात आला. कोरोनाच्या पार्श्वभूमीवर सोशल डिस्टिंक्शनचे पालन करून आरोग्यची काळजी घेत नवीन वास्तूचे शुभारंभ पार पडला
जुनी  ग्रामपंचायत इमारत पुर्णतः जीर्ण झाली असल्याने शेवटची घटका मोजत आहे. याच इमारतीत ग्रामपंचायतीचे कामकाज करण्यासाठी  कर्मचारी वर्गाला आपला जीव मुठीत धरून काम करावे लागत होते. अशा परिस्थितीत गेरुचा ओहोळ  भागात ग्रामपंचायत कार्यालयाच्या नव्या वास्तूचे पुजन करून ग्रामपंचायतचा कारभार  हलवण्यात आला आहे. नवीन वास्तू अत्यंत आगळ्यावेगळ्या संकल्पनेतून उभारण्यात आली आहे. या ग्रामपंचायत कार्यालयात आतील रचना , फर्निचर,   इत्यादी अत्यंत लक्षवेधक आहे. ग्रामपंचायतीने एकंदर नवीन वास्तू पाहता महाराष्ट्र राज्यातील ही एकमेव आगळीवेगळी लक्षवेधक ग्रामपंचायत  असल्याचे दिसून येते. यावेळी  १९५६ सालापासून माजी सरपंच, उपसरपंच, ग्रामसेवक बाबुराव पाटील,  सरपंच अमोद जाधव, उपसरपंच राजेश म्हात्रे, पंचायत समिती सदस्य रुपेश  धांगडा ग्रामपंचायत सदस्य,  कर्मचारी उपस्थित होते.