मुंबई: महाराष्ट्रामध्ये दिव्यांग आणि वृद्ध मिळून ६ सहस्र ६३० मतदार गृहमतदान सुविधेचा लाभ घेऊन घरातूनच मतदान करणार आहेत. ८५ वर्षांहून अधिक वय असलेल्या आणि ४० टक्क्यांहून अधिक दिव्यांग असलेल्या व्यक्तींना घरातूनच मतदान करता यावे, यासाठी निवडणूक आयोगाकडून येत्या लोकसभा निवडणुकीमध्ये प्रथमच गृहमतदानाची सुविधा देण्यात येणार आहे.
१९ एप्रिल या दिवशी महाराष्ट्रातील रामटेक, नागपूर, भंडारा - गोंदिया, गडचिरोली आणि चंद्रपूर या लोकसभा मतदारसंघात पहिल्या टप्प्याचे मतदान होणार आहे. या सर्व मतदारसंघामध्ये एकूण ९५ लाख ५४ सहस्र ६६७ मतदार आहेत.