नवापूर प्रतिनिधी गणेश वडनेरे
नवापूर तालुक्यातील खांडबारा येथे विनापरवाना देशी-विदेशी दारु व बिअर विक्री करणाऱ्या संशयितास विसरवाडी पोलिसांनी अटक केली असून त्याच्याकडून सुमारे साडे अकरा हजारांचा मद्यसाठा जप्त करण्यात आला आहे.
पोलिसांनी दिलेल्या माहितीनूसार, नवापूर तालुक्यातील खांडबारा येथे कुंभार गल्लीत एक इसम किराणा दुकानाच्या भिंतीच्या आडोश्याला देशी-विदेशी मद्याची विक्री करीत असल्याची माहिती पोलिसांना मिळाली. त्यानुसार पोलिसांनी धाड टाकली असता संजय रतिलाल कुंभार (रा. कुंभारगल्ली, खांडबारा, ता.नवापूर ) याच्याकडेदेशी-विदेशी मद्याच्या खोक्यांसह - बिअरचे खोके विनापरवाना आढळून आले. त्याच्याकडून पोलिसांनी ११ हजार ४३२ रुपयांचा मुद्देमाल जप्त केला आहे. पोकॉ. भूषण चित्ते यांच्या फिर्यादीवरुन विसरवाडी पोलिसात संशयित संजय कुंभार याच्याविरोधात महाराष्ट्र दारुबंदी अधिनियम कलम ६५ (ई) प्रमाणे गुन्हा दाखल करण्यात आला आहे. पुढील तपास पोहेकॉ. विश्वास गावित करीत आहेत. सदरची कामगिरी सहाय्यक पोलिस निरीक्षक नितीन पाटील, पोहेकॉ. सुरेश मोरे, पोना. अनिल राठोड, पोकॉ. भूषण चित्ते यांच्या पथकाने केली आहे.
नंदुरबार जिल्हा प्रतिनिधी - केतन रघुवंशी मो. 8421732333 / 9637732333