આગામી વિધાનસભાની ચૂંટણીમાં વધુમાં વધુ મતદાન થાય માટે મતદાન જાગૃતિ માટે અવનવા કાર્યક્રમો યોજાય છે,જેના અંતર્ગત તાલાલા આલ્ફા વિદ્યા સંકુલ માં જી.એસ.તથા વિવિધ પદાધિકારીઓની પસંદગી કરવા ચૂંટણી યોજાઈ હતી,જેમાં સંસ્થાના ૬૮૧ વિદ્યાર્થી ભાઈ-બહેનોએ ઉમળકાભેર મતદાન કરેલ,જેમાં વંશ પંકજભાઈ તન્ના જી.એસ.તરીકે ચુંટાયા હતા.
આ પ્રસંગે યોજાયેલ એક કાર્યક્રમમાં સંસ્થાના પદાધિકારીઓ તથા સંચાલકોએ જી.એસ.ની ચૂંટણીમાં ઉત્સાહપૂર્વક ભાગ લીધો તેવી જ રીતે ૧લી ડિસેમ્બરે યોજાનાર વિધાનસભાની ચૂંટણીમાં વધુમાં વધુ મતદાન માટે ઉમળકો બતાવી લોકશાહી પર્વની ઉજવણી કરવા વિદ્યાર્થીઓને અનુરોધ કર્યો હતો.