नंडोलीया ऑर्गेनिक केमिकल स्फोटातील मृतांच्या व जखमींच्या संखेत वाढ 2 मयत 4 जखमी.
तारापूर औद्योगिक क्षेत्रातील में. नंडोलीया ऑर्गेनिक केमिकल प्रा. लि.
तारापूर औद्योगिक क्षेत्रातील में. नंडोलीया ऑर्गेनिक केमिकल प्रा. लि. प्लॉट नंबर टि - 141, या कंपनीत दि. 17 रोजी सायंकाळी 7: 15 वाजताच्या सुमारास झालेल्या भिषण स्फोटात 4 कामगार : 1) मोहम्मद मोहसीन अल्ताफ, वय 30 वर्ष. 2) दिलीप गुप्ता, वय 28 वर्ष. 3) उमेश कुशवाहा, वय 22 वर्ष. 4) प्रमोदकुमार मिश्रा, वय 35 वर्ष. हे चार कामगार जखमी झाले असून त्यांच्यावर बोईसर तारापूर एमआयडीसीतील तुंगा हॉस्पीटल मध्ये उपचार सुरू आहेत.
तर 1) संदीप कुशवाहा, वय 37 वर्ष अंदाजे, 2) बेपत्ता असलेल्या ब्रिजेश मौर्या, वय 35 वर्ष अंदाजे याचा राञी उशीरा 12:30 वाजताच्या सुमारास मृत देह मिळून आला. यानंतर बचाव कार्य व रेसक्यू ऑपरेशन पूर्ण झाल्याची अधिकृत घोषणा करण्यात आली, मृत कामगारांची संख्या 2 झाली आहे.
या कंपनीमध्ये डाय क्लोरो बेंजामाईड एजॉलचे उत्पादन प्रक्रिया चालू असताना क्लोरोफॉर्म मधील पाणी वेगळे न करताच यामध्ये नायट्रीक अँसिडचे एडिशन केले गेल्याने पाणी व नायट्रीक अँसिडच्या प्रक्रियेतून मोठा प्रेशर तयार होऊन रियाक्टरचा भिषण स्फोट झाल्याची माहिती समोर येत आहे. तर स्फोटाची तीव्रता इतकी भयानक होती की जवळपास 10 कि.मी. चा परिसर हादरला होता व बेपत्ता असलेल्या मौर्याचा मृत देह ही घटनास्थळापासून शेकडो फुट लांब फेकला गेल्याने शोध घेण्यास उशीर झाल्याचे व अडचण झाल्याचे समजते.
या कंपनीत घेतल्या जाणाऱ्या उत्पादनांबाबत अनेक जानकारांनी शंका व्यक्त केली असून या ठिकाणी बेकायदेशीररित्या घातक व प्रतिबंधित केमिकलचे उत्पादन घेतले जात असल्याने, ही दुर्घटना झाल्याची चर्चा आहे. या दुर्घटनेमागील सत्यता समोर येणार की नेहमीच्या अपघातांप्रमाणे यावर ही औद्योगिक सुरक्षा व आरोग्य संचालनालय विभागाच्या चौकशी नावाचा पडदा टाकला जाणार याकडे सर्वांचे लक्ष लागेल.
सहयोग करें
हम देशहित के मुद्दों को आप लोगों के सामने मजबूती से रखते हैं। जिसके कारण विरोधी और देश द्रोही ताकत हमें और हमारे संस्थान को आर्थिक हानी पहुँचाने में लगे रहते हैं। देश विरोधी ताकतों से लड़ने के लिए हमारे हाथ को मजबूत करें। ज्यादा से ज्यादा आर्थिक सहयोग करें।
ताज़ा खबरों की अपडेट अपने मोबाइल पर पाने के लिए डाउनलोड करे सुदर्शन न्यूज़ का मोबाइल एप्प