राम कदम यांनी संजय राऊत यांना जुन्या आठवणी जाग्या करून दिल्या

मागच्या पाच वर्षांत फडणवीस सरकारने आरोग्यविषयक काम केले असते तर आज ज्या तात्पुरत्या सुविधा ‘जम्बो’ म्हणून उभाराव्या लागल्या ते प्रमाण कमी झाले असते. विरोधी पक्षांच्या टीकेचा, आरोपांचा मुख्य भर हा जम्बो कोविड केंद्रांवरच आहे. ही केंद्रे धडपणे चालू द्यायची नाहीत, असे म्हणत शिवसेनेनं तत्कालिन फडणवीस सरकारवर टीका केली होती. शिवसेनेनं सामनाच्या संपादकीयमधून त्यांच्यावर टीका केली होती. परंतु भाजपा आमदार राम कदम यांनी त्यावर प्रतिक्रिया देत फडणवीस सरकारच्या काळात आरोग्यमंत्री हे शिवसेनेचेच असल्याचं म्हणत टोला लगावला आहे. आरोग्य सेवेचा बोजवारा उडल्याचं खापर आधीच्या सरकारवर फोडताना संजय राऊन हे विसरले की, तेव्हा आरोग्यमंत्री शिवसेनेचेच होते. यांना स्मृतिभ्रंश झालाय की जनतेचं लक्ष स्वतःचं अपयशापासून झाकण्यासाठी की सुशांत सिंह प्रकरणात मोठे नेते, ड्रग माफीयांना वाचवण्यासाठी लोकांचं लक्ष विचलित करण्यासाठी ही गोष्ट तयार केली आहे,” असं म्हणत राम कदम यांनी शिवसेनेवर निशाणा साधला. त्यांनी ट्विटरच्या माध्यमातून त्यांच्यावर टीका केली.