परळी तालुक्यात एका विवाहितेवर बलात्कार करून जिवे मारण्याची धमकी

परळी वैजनाथ :-परळी तालुक्यातील मौजे गुट्टेवाडी येथील एका विवाहितेच्या घरात घुसून एकाने बलात्कार करून जीवे मारण्याची धमकी दिल्याची घटना घडली आहे. या प्रकरणी परळी ग्रामीण पोलीस ठाण्यात सदरील महिलेच्या फिर्यादीवरून बलात्कार चा गुन्हा दाखल करण्यात आला आहे. या प्रकरणाचा तपास परळी ग्रामीण पोलीस ठाण्याचे सहाय्यक पोलीस निरीक्षक मारोती मुंडे यांच्या मार्गदर्शनाखाली पोलीस उपनिरीक्षक व्ही.पी पेटकर मॅडम यांच्याकडे देण्यात आला आहे.

या बाबत परळी ग्रामीण पोलीस ठाण्याकडून प्राप्त माहिती अशी की, मौजे गुठेवाडी येथील एका 26 वर्षीय महिलेवर फुलचंद सुंदरराव मुंडे रा. कोठरबन,तालुका वडवणी, जिल्हा बीड याने सदरील विवाहितेचा नवरा घरी नसताना रात्री  घराचा दरवाजा उघडायला लावून आणि घरात आतूनकडी लावून तिच्यावर बलात्कार केला. तसेच तू जर कोणास सांगितलेस तर तुला व तुझ्या लेकराला जीवे मारून टाकील धमकी दिली. तसेच काही दिवस आरोपीने सदरील विवाहितेस मौजे कोठरबन येथे नेऊन अनेक वेळा बलात्कार केल्याचेही तक्रार विवाहितेने दिली आहे. या प्रकरणी परळी ग्रामीण पोलीस ठाण्यात आरोपी फुलचंद सुंदरराव मुंडे यांच्याविरुद्ध सदरील महिलेच्या फिर्यादीवरून गुरनं 273/2022 कलम376,452,506भादविप्रमाणे गुन्हा दाखल करण्यात आला आहे या प्रकरणाचा तपास सपोणी मारुती मुंडे यांच्या मार्गदर्शनाखाली पोलीस उपनिरीक्षक व्ही.पी पेटकर मॅडम या करीत आहेत.