परळी :- परळी तालुक्यातील मौजे भोजनाकवाडी येथे एका महिलेस तू आम्हाला मतदान केले नाहीस असे का म्हणालीस म्हणून शिवीगाळ करत जीवे मारण्याची धमकी दिल्याचा प्रकार घडला आहे. या प्रकरणी परळी ग्रामीण पोलीस ठाण्यात सदरील महिलेच्या पतीच्या फिर्यादीवरून गुन्हा दाखल करण्यात आला आहे.
याबाबत पोलीस सूत्राकडून प्राप्त माहिती अशी की परळी तालुक्यातील मौजे भोजनकवाडी येथे गोपाळ बामाजी फड यांच्या पत्नीस आरोपी गुणराज राम होळबे, महेश राम होळंबे, परमेश्वर विष्णू होळंबे,अभय श्रीधर होळंबे, शरद गणपत आंधळे, शिवमल्हार अंकुश होळंबे, दीपक होळंबे सर्व रा. हेळंब ता. परळी , जिल्हा बीड यांनी आम्ही तुम्हाला मतदान केले नाही असे म्हटल्यावरून घरासमोर लाथाबुक्यानी मारहाण करत शिवीगाळ करून जिवे मारण्याची धमकी दिली. या प्रकरणी सदरील महिलेचे पती गोपाळ फड फिर्यादीवरून परळी ग्रामीण पोलीस ठाण्यात गुन्हा रजिस्टर नंबर 11/ 2023 कलम 143,323, 504, 506 भादवी नुसार 7 आरोपी विरुद्ध गुन्हा दाखल करण्यात आला आहे. या प्रकरणाचा पुढील ग्रामीण पोलीस ठाण्याचे सहाय्यक पोलीस निरीक्षक मारोती मुंडे यांच्या मार्गदर्शनाखाली पोलीस हवालदार बडे हे करीत आहेत.