पालघर - पालघर जिल्ह्यातील डहाणूचे भाजपचे माजी आमदार पास्कल धनारे यांचं कोरोनामुळे निधन झालं. मुंबईच्या नानावटी रुग्णालयात त्यांनी अखेरचा श्वास घेतला. गेल्या दहा दिवसांपासून त्यांच्यावर वापीमधील रेम्बो हॉस्पिटलमध्ये उपचार सुरु होते. रात्री अचानक तब्येत बिघडल्याने त्यांना मुंबईत हलवण्यात आलं. मात्र इथे त्यांची प्राणज्योत मालवली. दरम्यान काल भाजपा जिल्हा सरचिटणीस लक्ष्मण वरखंडे तर आज माजी आमदार पास्कल धनारे यांचं कोरोनामुळे निधन झाल्याने जिल्ह्यात शोक व्यक्त होत आहे. डहाणू विधानसभेचे माजी आमदार व भाजपाचे पालघर जिल्हा माजी जिल्हाध्यक्ष पास्कल धनारे यांचे दुःखद निधनाने एका संवेदनशील नेतृत्वाला जिल्हा मुकल्याची भावना व्यक्त होत आहे...