સમગ્ર ગુજરાતમાં દારૂબંધી હોવા છતાં પણ લોકો ખુલ્લે આમ દારૂનુ સેવન તથા લોકો વ્યાપાર કરે છે. સુરત શહેરના અમરોલી સાયન ચેક પોસ્ટની પાસે આવેલ ઈન્ડિયન પેટ્રોલ પંપની પાસે ગહરી લાલ ઉર્ફે રાજુલાલ ઉર્ફે રાજન ગુર્જર નામના આરોપીને સુરત પીસીબીએ ઝડપી પાડ્યો છે. પીસીબી પોલીસ પેટ્રોલીંગમાં હતી તે દરમિયાન બાતમીના આધારે વોચ ગોઠવી ટાટા ટેમ્પોમાંથી ભારતીય બનાવટની વિદેશી દારુ તથા અલગ-અલગ કંપનીની બનાવટની નાની-મોટી વ્હિસ્કી તથા બિયર બોટલની કુલ 59 પેટી જેમાં કુલ 2568 બોટલ તથા એક મોબાઈલ મળી 5,13,260નો મુદ્દા માલ સાથે એક આરોપીને ઝડપી પાડ્યો છે. તથા અન્ય એક આરોપીને વોન્ટેડ જાહેર કર્યો છે. હાલ તો પોલીસે આરોપીને ઝડપી પાડી આગળની દિશામાં તપાસ હાથ ધરી છે.