*नातेवाईक आणि गावकऱ्यांनी फिरवली पाठ..पोलीस, पत्रकार, शासकीय कर्मचाऱ्यांनी करोनाबाधितावर केले अंत्यसंस्कार*
आजकाल करोनाचा लोकांनी इतका धसका घेतलाय की एखाद्याला करोना झाला असं कळलं तरी रक्ताच्या नात्याची माणसंही दूर पळतात .
आजकाल करोनाचा लोकांनी इतका धसका घेतलाय की एखाद्याला करोना झाला असं कळलं तरी रक्ताच्या नात्याची माणसंही दूर पळतात . असाच अनुभव म्हसळा तालुक्यातील केलटे गावात आला. करोनामुळे मृत्यू झालेल्या व्यक्तीवर अंत्यसंस्कार करण्यास घरच्यांनी नकार दिला अखेर पोलीस, महसूल कर्मचारी आणि पत्रकार यासाठी धावून आले आणि त्यांनीच अंत्यसंस्कार केले आणि करोनासारख्या महाभयंकर महामारीतही माणुसकीचे दर्शन घडवले .
महसळा तालुक्यातील दुर्गम डोगराळ भागात असलेल्या केलटे गावातील एका ७६ वर्षीय वृद्धाचा ३० एप्रिल रोजी रात्री करोनामुळे मृत्यू झाला. परंतु घरच्यांनी मृतदेह ताब्यात घेण्यास आणि अंत्यंस्कार करण्यास नकार दिला. त्यांचा मुलगा काही दिवसांपूर्वीच करोनाच्या जीवघेण्या आजारातून बाहेर आला होता, तो देखील वडिलांच्या अंत्यविधीसाठी पुढे आला नाही किंवा कुणी ग्रामस्थांनी देखील याकामी पुढाकार घेतला नाही. अशावेळी मृतदेहावर अंत्यसंस्कार कुणी करायचे? हा मोठा प्रश्नच होता.
अखेर ग्रामस्थांनी म्हसळयाचे मंडल अधिकारी दत्ता कर्चे यांच्याशी फोनवरून संपर्क साधला. कर्चे यांनी तत्काळ प्रांताधिकारी अमित शेडगे यांना कळवले. यानंतर तहसीलदार शरद गोसावी, सहायक पोलीस निरीक्षक सुर्वे यांच्या मार्गदर्शनाने कर्चे यांनी तातडीने पत्रकार निकेश कोकचा व पोलीस हवालदार संतोष जाधव, पोलीस नाईक सुर्यकांत जाधव, १०८ रूग्णवाहिकेचा पायलट शरद नांदगावकर व भरत चव्हाण यांना बोलावून घेतले. या सर्वांना विश्वासात घेवून याबाबतची माहिती दिली. ही सर्व मंडळी गावात पोहोचली आणि तातडीने कामाला लागली . कोणतीही भीती न बाळगता अंगावर पीपीई कीट चढवले आणि मग अंत्यसंस्काराची तयारी केली. स्मशानभूमी गावापासून दूर दोन किलोमीटर अंतरावर आहे. या मोजक्याच मंडळीनी तिथं अंत्यसंस्कार पूर्ण केले. त्यांच्या या धाडसाचे आणि दाखवलेल्या माणूसकीचे परिसरात कौतुक होत आहे.
सहयोग करें
हम देशहित के मुद्दों को आप लोगों के सामने मजबूती से रखते हैं। जिसके कारण विरोधी और देश द्रोही ताकत हमें और हमारे संस्थान को आर्थिक हानी पहुँचाने में लगे रहते हैं। देश विरोधी ताकतों से लड़ने के लिए हमारे हाथ को मजबूत करें। ज्यादा से ज्यादा आर्थिक सहयोग करें।
ताज़ा खबरों की अपडेट अपने मोबाइल पर पाने के लिए डाउनलोड करे सुदर्शन न्यूज़ का मोबाइल एप्प