श्रीजी पार्कमध्ये दोन ठिकाणी घरफोडी,दिड लाखाचा ऐवज चोरी परिसरात भिंतीचे वातावरण

नंदुरबार- शहरालगतच्या पातोंडा शिवारातील श्रीजी पार्कमध्ये अज्ञात चोरट्यांनी दोन ठिकाणी बंद घराचे कुलूप तोडून १ लाख ५० हजार रुपयांचा ऐवज लंपास केल्याची घटना घडली आहे.यामुळे परिसरातील रहिवाशांमध्ये भिती निर्माण झाली आहे.

याबाबत अधिक माहिती अशी की, पातोंडा शिवारातील श्रीजी पार्कमध्ये राहणारे चेतन हर्षद जोशी यांच्या बंद घराचा कडीकोंडा तोडुन अज्ञात चोरांनी घरात प्रवेश करुन ५० हजार रुपये रोख व ८० हजार रुपये किंमतीची सोन्याची चैन, सोन्याचे कानातले कर्णफुले असा एकूण १ लाख ३० हजार रुपये किंमतीचा ऐवज चोरी केला. त्यानंतर चोरट्यांनी पवन विजय येपुरे यांच्या घराकडे आपला मोर्चा वळवला.त्यांच्या दरवाजाचा कडीकोंडा तोडुन गोदरेज कपाटाचे लॉकर तोडून १४ हजार रुपये रोख व ४ हजार रुपये किंमतीची सोन्याची अंगठी असा एकूण १८ हजार रुपयांचा   मुद्देमाल चोरट्यांनी लंपास केला.या दोन्ही घरफोडीचा घटनेत १ लाख ४८ हजार रुपये किंमतीचा ऐवज लंपास झाला आहे. याप्रकरणी चेतन हर्षद जोशी यांनी दिलेल्या फिर्यादीवरून नंदुरबार उपनगर पोलिस ठाण्यात गुन्हा दाखल करण्यात आला आहे.तपास पोलिस उप निरीक्षक प्रशांत राठोड करीत आहेत.