नंदुरबार दि.1 : जवाहर नवोदय विद्यालय नंदुरबार-2 मध्ये 2022-2023 शैक्षणिक वर्षांसाठी इयत्ता सहावीच्या प्रवेश परीक्षेसाठी 30 नोव्हेंबर 2021 पर्यंत ऑनलाईन अर्ज मागविण्यात येत आहे.
जवाहर नवोदय विद्यालय नंदुरबार 2 मध्ये प्रवेशसाठी विद्यार्थी हा जिल्ह्यातील फक्त नवापूर व नंदुरबार तालुक्यातील शासनमान्य शाळेत इयत्ता पाचवीत 2021-2022 या शैक्षणिक वर्षांत शिकत असावा. विद्यार्थ्यांचा जन्म 1 मे 2009 पूर्वी झालेला असावा.30 एप्रिल 2013 नंतर झालेला नसावा.सदर अट सर्वांसाठी लागू असेल. सन 2019-2020,2020-2021, 2021-2022 यावर्षांत विद्यार्थ्यांने तिसरी, चौथी व पाचवीत अनुक्रमे खंड न पाडता उत्तीर्ण असावा. अनुसूचित जाती,जमाती आणि मुली, अपंग संवर्गासाठी व इतर मागासवर्गासाठी जागा राखीव असतील. तृतीयपंथीय उमेदवारसुध्दा या निवड चाचणीसाठी अर्ज करु शकतात.
प्रवेश परीक्षा 30 एप्रिल 2022 रोजी सकाळी 11.30 वाजता होईल. माहिती पत्रक व प्रवेश अर्जासाठी www.navodaya.gov.in/nvs/en/Home1 तसेच https://cbseitms.nic.in/ या संकेतस्थळावर उपलब्ध आहे. तरी जास्तीत जास्त विद्यार्थ्यांनी अर्ज सादर करावे, असे आवाहन जवाहर नवोदय विद्यालयाचे प्राचार्य के.बी.बनसोड यांनी केले आहे.
नंदुरबार जिल्हा प्रतिनिधी - केतन रघुवंशी मो. 8421732333 / 9637732333