नंदुरबार - शहरातील रामकृष्ण नगर व रुपाशेठ पार्क परिसरातून अज्ञात चोरट्यांनी २ मोटारसायकली चोरी केल्याची घटना घडली आहे.
याबाबत अधिक माहिती अशी की, रामकृष्ण नगर येथील रहिवासी निरंजन पंडित तावडे यांनी आपल्या मालकीची होंडा युनिकान मोटारसायकल राहत्या घराच्या अंगणात उभी केली असता सदर दुचाकी अज्ञात चोरट्याने चोरुन नेली.
दुसऱ्या घटनेत महेश रमण मराठे (रा.होळतर्फे हवेली) यांनी आपल्या मालकीची मोटारसायकल शहरातील रुपाशेठ पार्क परिसरात उभी केली असता सदर दुचाकी अज्ञात चोरट्याने चोरुन नेली. याबाबत उपनगर पोलिस ठाण्यात चोरीचा गुन्हा दाखल करण्यात आला आहे.