१ लाखासाठी विवाहितेचा छळ भादवडच्या तिघांवर गुन्हा दाखल

नंदुरबार - गाडी घेण्यासाठी माहेरुन १ लाख रुपये आणावेत यासाठी शहरातील गुरुकुल नगरात राहणाऱ्या विवाहितेचा छळ सासरच्या मंडळींनी केल्याची घटना घडली आहे.

नंदुरबार शहरातील गुरुकुल नगरात राहणाऱ्या रुपाली प्रताप ठाकरे यांचा विवाह भादवड ता.नंदुरबार येथील प्रताप मधुकर ठाकरे यांच्याशी झाला होता.दरम्यान लग्नानंतर पती प्रताप मधुकर ठाकरे, सासु उशाबाई मधुकर ठाकरे, सासरा मधुकर तुळशीराम ठाकरे यांनी लग्नात विवाहितेचा वडिलांनी हुंडा कमी दिला म्हणून नवी गाडी घेण्यासाठी माहेरुन १लाख रुपये आणावेत तसेच मुलगी झाली म्हणून तिघांनी विवाहितेला उपाशी ठेऊन मारहाण करून शारीरिक व मानसिक छळ केला.सदर प्रकार ८ मे २०१७ पासून ते आतापर्यंत सासरी घडला. याबाबत शहर पोलिस ठाण्यात वरील आरोपींविरुद्ध गुन्हा दाखल करण्यात आला आहे.तपास हवालदार रिबीका नाईक करीत आहेत.