खुन केल्याचा कारणावरून घरात घुसून जमावाची तोडफोड

धडगाव - वडिलांनी खुन केला म्हणून जमावाची मुलीच्या घरात घुसून तोडफोड करून शिवीगाळ केल्याची घटना तालुक्यातील बिजरी गावात घडली आहे. याप्रकरणी ९ जणांविरुद्ध गुन्हा दाखल करण्यात आला आहे.

याबाबत अधिक माहिती अशी की, बिजरी येथील आशा रुमा तडवी (१९) हिच्या वडिलांनी गावातील भरत खेमा वळवी याचा खुन केला म्हणून मयताचे भाऊ शिवाजी खेमा वळवी, गुलाब खेमा वळवी,दामा खेमा वळवी,रागा खेमा वळवी,सिमा खेमा वळवी,लालसिंग खेमा वळवी,किशवर शिवाजी वळवी, अनिल भरत वळवी,मालसिंग भरत वळवी ((सर्व रा.बिजरी) यांनी आशा तडवी यांच्या घरात घुसून तुम्ही अजून गावातुन गेले नाहीत, आम्ही तुम्हाला राहु देणार नाही, असे सांगून वाईट शिवीगाळ करून घरातील सामानाची तोडफोड करून साहित्य घराबाहेर फेकून नुकसान करत जीवे ठार मारण्याची धमकी दिली.सदर घटना दि.२६ ऑगस्ट रोजी रोजी ८ वाजता घडली.याप.रकरणी वरील आरोपींविरुद्ध धडगाव पोलिस ठाण्यात गुन्हा दाखल करण्यात आला आहे.तपास पोना दिपक वारुळे करीत आहेत.