म्हशींच्या तबेल्यात तिघांना मारहाण १७ जणांविरुद्ध पोलिसात गुन्हा दाखल

नंदुरबार - मारहाण करु नका असे सांगितल्याने जमावाने एकासह दोन महिलांना शहरातील हनुमान पेट्रोल पंपामागील म्हशींच्या तबेल्यात बेदम मारहाण केल्याची घटना घडली आहे.याप्रकरणी १७ जणांविरुद्ध पोलिसात गुन्हा दाखल करण्यात आला आहे.

याबाबत अधिक माहिती अशी की, शहरातील हनुमान पेट्रोल पंपामागील म्हशींच्या तबेल्यात दि.२ ऑगस्ट रोजी रात्री ८.३० वाजता अंकुश सखाराम चित्रकथे (४९,रा.हनुमान पेट्रोल पंपामागे) याचे मालक शरद चित्रकथे व त्यांच्या नातेवाईकांना काही जण मारहाण करीत होते.दरम्यान अंकुश सखाराम चित्रकथे यांनी मारहाण कशाला करता अशी विचारणा केली असता त्यांना जमावाने काठीने बेदम मारहाण करून त्यांचे डोके फोडले.यावेळी त्यांच्या शालकाची आई रंगुबाई, बहिण माया,वहिणी गंगा यांना लक्ष्माबाई यांनी मारहाण केली.याप्रकरणी अंकुश सखाराम चित्रकथे यांनी दिलेल्या फिर्यादीवरून नंदुरबार शहर पोलिस ठाण्यात सुरेश गंगाराम चित्रकथे, महेंद्र सुरेश चित्रकथे,सोनु संजु चित्रकथे, लक्ष्मीबाई संजु चित्रकथे,गोलु गोण्या चित्रकथे, लकी संजु चित्रकथे मोन्टी संजु चित्रकथे व इतर ८ ते १० जण यांच्या विरोधात गुन्हा दाखल करण्यात आला आहे.तपास पोस ई प्रविण पाटील करीत आहेत.