पत्नीशी संबंध असल्याचा संशय केलपाडा येथे दोघांना मारहाण

परस्पर विरोधी फिर्यादीवरून १८ जणांवर गुन्हा

नवापूर - पत्नीशी संबंध असल्याचा संशयावरून दोघांना मारहाण झाल्याची घटना केलपाडा गावात घडली   आहे.याप्रकरणी परस्पर विरोधी फिर्यादीवरून १८ जणांविरुद्ध गुन्हा दाखल करण्यात आला आहे.

याबाबत अधिक माहिती अशी की, केलपाडा येथील जगदिश सुधाकर वसावे यांच्या पत्नीशी प्रताप जालमसिंग वळवी (४७) यांचे संबंध आहेत.तो नेहमी तिच्याशी बोलतो.तिला भेटण्यासाठी जातो.असे बोलून प्रताप जालमसिंग वळवी याला देवेंद्र भिमसिंग वळवी, अशोक वेच्या वळवी, संदिप अरुण वसावे, जगदीश सुधाकर वसावे, दिलीप बालाजी वसावे,बितेश देविदास वळवी, रोहित ईश्वर वळवी, आकाश किशोर वसावे, शंकर नथ्थू वसावे,विरसिंग शंकर वसावे, देविदास हुमना वसावे, निलेश देविदास वळवी,नरेश सुरुपसिंग वळवी (सर्व रा.केलपाडा) यांनी हाताबुक्क्यांनी बेदम मारहाण करून वाईट शिवीगाळ केली.जीवे ठार मारण्याची धमकी दिली. दुसऱ्या घटनेत जगदिश सुधाकर वसावे हा प्रताप जालमसिंग वळवी यांच्याशी आपल्या पत्नीशी संबंध आहेत, असं गावात सांगतो म्हणून जगदिश सुधाकर वसावे याला  प्रताप जालमसिंग वळवी, अतुल विजय वळवी,नंदु निमजी वळवी,मैशक अजना वळवी, राजेश रमेश गावीत (सर्व रा.केलपाडा) यांनी बेदम मारहाण केली.वाईट शिवीगाळ करून जीवे ठार मारण्याची धमकी दिली.याप्रकरणी परस्पर विरोधी फिर्यादीवरून नवापूर पोलिस ठाण्यात गुन्हा दाखल करण्यात आला आहे.तपास असई बळवंत वळवी करीत आहेत.