तलवारीने वाढदिवसाचा केक कापला प्रकाशा येथील तरुणाला अटक

शहादा- प्रकाशा येथील एका तरुणाला तलवारीने वाढदिवसाचा केक कापणे महागात पडले असुन पोलिसांनी थेट कारवाई करुन त्याला अटक केली आहे.

याबाबत अधिक माहिती अशी की, जिल्ह्यात जि.प.व पं.स.पोटनिवडणुकीच्या पार्श्वभूमीवर जिल्हाधिकारी यांनी दि.२जुन ते १६ जुन पर्यंत मनाई आदेश व शस्त्रबंदी आदेश लागू केले आहेत.याच दरम्यान प्रकाशा येथील अजय विजय गावीत (रा.मंजुळाहट्टी,प्रकाशा) याने दि.५ जुन रोजी प्रकाशा येथील हॉटेल गौरव जवळ आपला वाढदिवस साजरा केला.यावेळी अजय याने वाढदिवसाचा केक धारदार तलवारीने कापला.सदर वाढदिवसाचे फोटो सोशल मीडियावर प्रसारित होऊन समाजात चुकीचा संदेश जात असल्याने पोलिस अधीक्षक पी.आर.पाटील यांनी कारवाई करण्याच्या सूचना पोलिसांना दिल्या.स्थानिक गुन्हा अन्वेषण शाखेचे पोलिस निरीक्षक रवींद्र कळमकर यांनी एका पथकाला प्रकाशा येथे पाठवुन संशयित अजय विजय गावीत याला तलवारीसह अटक केली आहे.याप्रकरणी शहाला पोलिस ठाण्यात भारतीय हत्यार कायदा कलम व मनाई आदेश उल्लंघन प्रमाणे गुन्हा दाखल करण्यात आला आहे.