नंदुरबार येथे डॉक्टरचा एक लाखाचा आयफोन मोबाईल एकाने केला चोरी चोरट्याला काही तासांत अटक

नंदुरबार- शहरातील सेवा हॉस्पिटल येथुन एकाने डॉक्टरचा एक लाख रुपये किंमतीचा मोबाईल चोरी केल्याची घटना घडली आहे. पोलिसांनी चोरट्याला तातडीने कारवाई करुन अटक केली आहे.
याबाबत अधिक माहिती अशी की,कोपर्ली येथे वैद्यकीय व्यवसाय करणारे डॉक्टर निलेश हेमंतकुमार शर्मा हे नंदुरबारच्या सेवा हॉस्पिटल मध्ये ड्युटीला असतांना विनोद विरसिंग पवार (३२,या.छोटा धनपूर,या.तळोदा) रिसेप्शन तुमच्या पलंगावरून त्यांच्या मालकीचा १ लाख ७ हजार रुपये किंमतीचा आयफोन मोबाईल चोरी केला.सदर घटना दि.१७मे रोजी मध्यरात्री घडली..याप्रकरणी नंदुरबार शहर पोलिस ठाण्यात गुन्हा दाखल करण्यात आला आहे.चोरी करताना चोरटा सीसीटीव्ही कॅमेरा मध्ये कैद झाला आहे.याप्रकरणी पोलिसांनी तातडीने कारवाई करत आरोपी विनोद विरसिंग पवार (३२,या.छोटा धनपूर,या.तळोदा) याला गिरीविहार गेट येथुन अटक केली.सदर कारवाई पोलिस अधीक्षक पी.आर.पाटील,अपर पोलीस अधीक्षक विजय पवार, उपविभागीय पोलिस अधिकारी सचिन हिरे यांच्या मार्गदर्शनाखाली पोलिस निरीक्षक किरणकुमार खेडकर, पोलिस उप निरीक्षमोहिते,हेकॉ.गोसावी,पो.कॉ.पांढारकर यांच्या पथकाने केली.