तिसी येथे आशा वर्कर ला चौघांनी घरात जाण्यास केला अटकाव

तिसी येथे आशा वर्कर ला चौघांनी घरात जाण्यास केला अटकाव 
नंदुरबार- तालुक्यातील तिसी येथे चौघांनी एका आशा वर्करच्या घराला कुलूप लावून तिला घरात जाण्यास मनाई केल्याची घटना घडली आहे.
याबाबत अधिक माहिती अशी की, तिसी येथील आशा वर्कर मंगलाबाई जगन भिल ही महिला आपल्या घरी आली असता तिच्या घराला कोणीतरी मोठे कुलूप लावल्याचे दिसून आले.याबाबत ती विचारणा करीत असताना गावातील राजु गुलाब भिल,पावसा गुलाब भिल,नाना सुरसिंग भिल, गणेश रमण भिल यांनी जवळ येऊन कुलूप आम्ही लावल्याचे सांगितले.आता तु गावात कशी राहते तेच आम्ही पाहतो.असे बोलुन मंगलाबाई यांना घरात जाण्यास अटकाव केला.वाईट शिवीगाळ करून जीवे ठार मारण्याची धमकी दिली.सदर घटना ११ मे रोजी बारा वाजता घडली.याप्रकरणी वरील आरोपींविरुद्ध तालुका पोलिस ठाण्यात गुन्हा दाखल करण्यात आला आहे.तपास हवालदार सुनील अहिरे करीत आहेत.