मामाने केली चार वर्षीय भाच्याची निर्घृण हत्या...

परळी वैजनाथ :  तालुक्यातील नागापूर कॅम्प येथे मामाने भाच्याची गळ्यावर वार करत हत्या केल्याची घटना घडली आहे.

पोलिसांनी दिलेली सविस्तर माहिती अशी की, नागापूर कॅम्प येथील सैनिक चिमणकर ( वय 27 वर्ष) हा आपल्याला आईला सतत त्रास देत असल्या कारणाने सुरेखा करंजकर ही आपल्याला भावाला ( सैनिक) आई सोबत भांडण करू नको असे समजवण्यासाठी नागापूर कॅम्प येथे आली असता सैनिक आणि सुरेखा यांच्या मध्ये वाद झाला मात्र याचा राग मनात धरत सैनिक याने आपला भाचा कार्तिक विकास करंजकर ( वय 4 वर्षे, राहणार लाडेगाव, ता.केज) याची पहाटे झोपेत असताना गळ्यावर धारदार शस्त्राने वार केला, मात्र कार्तिक ओरडण्याने सर्वांना जाग आली आणि त्याला तात्काळ जखमी अवस्थेत उपचारासाठी उपजिल्हा रुग्णालय परळी आणि स्वामी रामानंद तिथे शासकीय रुग्णालय , लातूर शासकीय रुग्णालयात येथे नेले असता कार्तिकची प्राणज्योत मालवली..  ग्रामीण पोलिसांनी घटनास्थळी  दाखल होत आरोपी मामाला ताब्यात घेतला व फिर्याद नोंदवून घेत गुन्हा दाखल केला,असून अपर पोलीस अधीक्षक कविता नेरकर - पवार मॅडम यांनी घटनास्थळी भेट दिली आहे.