गोमय क्लस्टर उभारण्यासाठी ग्रामायण प्रतिष्ठानने पुढाकार घ्यावा नितीनजी गडकरी यांचे आवाहन

डास किंवा बारीक किडे प्रतिरोधक एखादे उत्पादन गोमय आणि गोमुत्रापासून तुम्ही तयार करा त्याला खूप मोठे मार्केट आहे. लोकं सातत्याने ते घेतील आणि लक्षावधी रुपये शेतकऱ्यापर्यंत आपल्याला पोहोचवता येतील. मात्र हे उत्पादन सगळ्या कसोटीवर खरे उतरणारे असावे, असे मार्गदर्शन त्यांनी यावेळी केले. यासाठी संशोधनावर भर द्यावा. वेगवेगळ्या तज्ञ मंडळींचे सहकार्य घ्यावे आणि समाज तुमच्या वस्तू घेईल अशी मागणी असणारी उत्पादनं तयार करावी, असे ते म्हणाले ग्रामायण प्रतिष्ठान च्या वतीने ग्रामायण कामधेनू गिफ्ट ह्याम्पर केंद्रीय मंत्री श्री नितीनजी गडकरी यांना आज त्यांच्या घरी जाऊन भेट देण्यात आले. श्री अनिल सांबरे यांनी कामधेनु गिफ्ट पेपर मधील वेगवेगळ्या वस्तूंची माहिती श्री गडकरी यांना दिली आणि या कामधेनु योजनेला समाजाचा चांगला प्रतिसाद मिळाला उत्साह वाढविणारा प्रतिसाद मिळाला, असे सांगितले. ग्रामायण प्रतिष्ठानचे अध्यक्ष श्री अनिल सांबरे, उपाध्यक्ष श्री चंद्रकांत रागीट, सौ अनुराधा सांबरे ,मंजुषा रागीट,श्री रमेश जी लालवाणी, श्री राजेंद्र काळे, श्री प्रशांत बुजोणे श्री प्रसाद बर्वे श्री श्रीनिकेत सांबरे यावेळी उपस्थित होते.