ગુજરાત-પારડીના 44 ગામમાં માપણી કરી જમીન માલિકો ને પ્રોપર્ટી કાર્ડ અપાશે

પારડી તાલુકાના 44 ગામોમાં ગામતળની જમીન ના મકાનોનું ચુના માર્કિંગ કરી ડ્રોનથી માપણી કરી માલિકી હક પ્રોપટી કાર્ડ આપવામાં આવશે. જેની સમજ માટે ગુરુવારે તા.પં. ખાતે જિલ્લા જમીન રેકર્ડ અધિકારી .ડી.એલ.આઈ. આરની ઉપસ્થિતિમાં બેઠક મળી હતી. આ બેઠકમાં ગામના સરપંચો, તલાટીઓને ડીઆઈએલઆર વલસાડના પ્રશાંત સોની, એલ.એલ. આર. વલસાડ અનંતભાઈ પટેલ, પારડી મામલતદાર આરઆરચૌધરી, ટીડીઓ, વલસાડ ટીડીઓ રાહુલભાઈ. પારડી તાલુકા સરપંચ સંઘના પ્રમુખ ધર્મેન્દ્ર પટેલ તથા જમીન માલિકોને સ્વામીત્વ યોજનાની માહિતી આપવામાં આવી હતી. જેમાં જેઓ પાસે માત્ર આકારણી છે પરંતુ માલિકી હકના પુરાવા નથી એઓને ગામતળના માલિકી હક અપાશે. જે માટેની નિયત કરેલી એજન્સી સંપૂર્ણ કામગીરી કરશે. જેમાં મિલકત અંગેનું ફોર્મ ભરવામાં આવશે અને ત્યારબાદ ડ્રોન વડે પ્રોપર્ટી ને લિંક કરી પ્રોપર્ટી કાર્ડ આપવામાં આવશે. આ પ્રોપર્ટી કાર્ડ થકી લોન લેવી હોય તો પુરાવા રૂપે પ્રોપર્ટી કાર્ડ રજૂ કરી શકશે.