उमरखेड : -
येथील नायब तहसीलदार वैभव पवार व तलाठी गजानन सुरोशे यांचेवर रेती माफियांनी जीवघेणा हल्ला करून ठार मारण्याचा प्रयत्न करण्यात आला. अशा मुजोर रेती माफिया वर संघटित गुन्हेगारी कायद्यान्वये गुन्हे दाखल करून सर्व आरोपींना अटक न झाल्यामुळे व फरार असलेल्या मुख्य आरोपी ला अटक करे पर्यंत तहसीलदार व नायब तहसीलदार संघटनेने पुकारलेल्या काम बंद आंदोलनात विदर्भ पटवारी संघ शाखा उमरखेड सहभागी झाले आहे . उमरखेड तालुक्यात अवैध रेती उत्खनन करणारे रेती माफिया तालुक्यातील अधिकारी व कर्मचारी तलाठी यांच्यावर सतत हल्ले करून दहशत निर्माण करीत आहे त्यांचे विरुद्ध अनेक वेळा गुन्हे दाखल करण्यात आले आहेत तरी त्यांचे विरुध्द कोणतीही ठोस कारवाई आजपर्यंत करण्यात आलेली नाही त्यामुळे रेती माफियांचे मनोबल उंचावले असून आता ते जीवघेणे हल्ले करण्यापर्यंत त्यांची मजल गेली आहे नायब तहसीलदार वैभव पवार व गजानन सूरोशे यांच्यावर झालेला हल्ला या गोष्टीचा परिणाम आहे असे असतानाही संबंधित गुन्हेगार मोकाट असुन त्यांच्याविरुद्ध म . को .का. कायद्यानुसार कारवाई करण्यात यावी कारवाई न झाल्यास पटवारी संघ काम बंद आंदोलन सुरू ठेवेल असा इशारा उपविभागीय अधिकारी व तहसीलदार यांना पटवारी संघातर्फे दिलेल्या निवेदनातून देण्यात आला यावेळी पटवारी संघाचे अध्यक्ष प्रकाश हापसे, उपाध्यक्ष बोईनवाड ,सचिव रायपूरकर, कोषाध्यक्ष गणेश बोडके दत्तात्रेय दुर्केवार व गजानन सुरोशे सह विदर्भ पटवारी संघाचे सर्व सदस्य उपस्थित होते.
प्रतिनिधी किरण मुक्कावार उमरखेड जिल्हा यवतमाळ