नवी दिल्ली: मथुरेतील श्रीकृष्णजन्मभूमीची सर्व प्रकरणे प्रयागराज उच्च न्यायालयात हस्तांतरित करण्याच्या विरोधात दाखल करण्यात आलेल्या याचिकेवर सर्वोच्च न्यायालयात सुनावणी झाली. न्यायालयाने मुस्लिम पक्षाच्या मागण्या फेटाळून लावल्या आहेत. त्यामुळे या याचिकांची एकत्रित सुनावणी उच्च न्यायालयात होणार आहे.
प्रयागराज उच्च न्यायालयाने या प्रकरणाशी संबंधित मथुरा जिल्हा न्यायालयात प्रलंबित असलेले १५ खटले उच्च न्यायालयात हस्तांतरित करण्याचा आदेश दिला होता. ही सर्व प्रकरणे एकाच प्रकारची असून त्यात एकाच प्रकारच्या पुराव्यांच्या आधारे निर्णय घ्यावा लागेल, असे उच्च न्यायालयाने म्हटले आहे.