ગત રાત્રિ દરમિયાન દાહોદ જિલ્લાના સતત પ્રજા વાત્સલ્ય અને સતત મહિલાઓની સાથે સેવામાં તત્પર એવા મહિલા પોલીસ પી.એસ.આઇ વી.એસ.પાંડવ અને સામાજિક મહિલા કાર્યકર્તા નીલમબેન વસૈયા અને સી ટીમ સાથે મળી દાહોદ સિટીમાં સનાતની મંદિર,પરેલ ગરબા ગ્રાઉન્ડ, બસ સ્ટેન્ડ તેમજ અન્ય નવરાત્રી ગ્રાઉન્ડના અલગ અલગ વિસ્તારમાં સાથે રહી મહિલાઓને સુરક્ષા અને જન જાગૃતિ કાયદાકીય માહિતી આપવામાં આવી હતી,
તમામ નવરાત્રીના સંચાલકોને પૂરતી વ્યવસ્થા કરવામાં આવે અને કોઈ અગટનીય બાબતના બને કાયદો વ્યવસ્થા જળવાઈ રહે સમયસર નવરાત્રી બંધ કરી દેવી તેમજ કોઈ અસામાજિક તત્વો હોયતો તાત્કાલિક પોલીસને જાણ કરવાની માહિતી આપી હતી સાથે સાથે નવરાત્રીમાં ઘુમતાં ખેલૈયાઓ સાથે સીધી વાત કરતા તમામ બેન દીકરી ઓના મુખે સુરક્ષાનું સ્મિત દેખાયું હતું .દાહોદના ઠેર ઠેર નવરાત્રીના સંચાલકો અને પ્રજાએ દાહોદ પોલીસ પી.એસ.આઇ વી.એસ.પાંડવ તથા નીલમબેન વસૈયા અને સી ટીમનો આભાર વ્યક્ત કર્યો હતો , અને આવનાર સમયમાં આવાજ પ્રજાની વચ્ચે રહી સેવા કરો એવો આભાર વ્યક્ત કર્યો હતો.