Aji phujur teh PLA khan para Arunachal Pradesh laga 5 chokara 2 September 2020 para custody teh luyi kena thakia khan ke Arunachal Pradesh, Kibithu Indian laga Indo-China border side phane para Indian army ke wapas kurishie.
5 jun chokara khan laga naam ase, Toch Singkam, Prasat Ringling, Dongtu Ebiya, Tanu Baker, aru Ngaru Diri. Tai khan Nacho area, Upper Subansiri district para ase.
Tai khan ke 14 din karne Kibithu teh quarantined kuria pishie teheh, tai khan ke nijor laga ghor pariwar teh jawole diwo kuishie.
Defence sources side para janiwo pa-a tuh, ituh baar laga hath sa milayi kena, Upper Subansiri aru West Siang district para tin baar huishie eneka hath sa. Aru sop hath sa teh Indian Army para pura josh lagayi kena manu khan ke ghor wapas anishie kuishie.
Ituh baar laga nutun hath sa teh bhi, 5 chokara khan golti para LAC phane hari jayishi kuishie. Indian Army para PLA laga hotline teh contact kuri kena bisaria shuru kurishie. Aru 8 September 2020 din teh confirmation payi kena aji phujur teh tai kha ke wapas bhi ani jayishie.
Indian Army Covid19 laga protocols khan sop follow kuri kena 5 jun ke wapas luyishie. Aru tai khan sop ke protocol hisab para 14 din quarantined khotom hoa pishie teh he ghor teh pathawo kuyi kena defense press release teh kuyishie.