ग देि मां चे स्मारकासाठी चिखली येथे साहित्यिकांचा जागर

(योगेश शर्मा)
.
बुलढाणा : महाकवी ग दि माडगुळकर यांचे पुणे येथे स्मारक व्हावे या मागणीसाठी येथील साहित्यिकांनी जागर केला.ग दि मा यांच्या कवितांचे वाचन व त्यांची गीते सादर करून त्यांना आदरांजली देण्यात आली.
         माडगुळकर यांच्या पुण्यतिथी निमित्त येथील खटकेश्र्वर महाराज संस्थान परिसरात हा जागर करण्यात आला.
         कथाकार बबन महामूने,कवी गिरीश दुबे इत्यादींनी गदि मा यांच्या प्रतिमेला पुष्प वाहिले.
गदिमा यांच्या जीवनावर प्रकाश टाकत गिरीश दुबे यांनी त्यांच्या स्मारकाची गरज व्यक्त केली.
प्रशांत पाटील,शत्रुघ्न कुसुंबे,मनोहर पवार या कवींनी गदिमांच्या कविता  उत्तमपणे सादर केल्या.
         शहरातील ज्येष्ठ गायक भिमराव शास्त्री पवार , विलास  खंदारे ,विनोद महाराज खंदारे या चमूने गदिमा यांचे ' गीत रामायण ' मधील काही भाग सादर केला.
ज्येष्ठ अधिवक्ता व कवी विजयकुमार कस्तुरे यांनी गदिमा यांना आपल्या गिताद्वारे
आदरांजली वाहिली.
    यावेळी ज्ञानेश्वर पंचांगे, भिमराधांडे, मंगला महामुने, किसान उगले,
विद्या सोनुने, भारत महामूने, भगवान पाटील, भूषण महामुने इत्यादी साहित्यिक उपस्थित होते.

यावेळी सर्व उपस्थित साहित्यिक व इतर नागरिकांच्या स्वाक्षऱ्या घेऊन सरकारकडे गदिमा यांच्या स्मारकासाठी निवेदन करण्यात येणार आहे.