Diwali age para Assam Pollution Control Board firecrackers sop bikiri kuribole aru photabole ban kuria ase.
khali green crackers dui ghante ekla bikiri aru jolabole paribo diwali din te, rati 8-10 baji tak he jolabo paribo diwali din te aru Chhath Puja din bhi phujur 6-8 tak he allow kuria ase. Etuh ekla nahoi kena Christmas/New Year's Eve din te bhi rati 11:55-12:30 tak he jolabole permission dishie.
Assam Pollution Control Board para notification jari kuri kena adesh dishie; public interest nimite air pollution komti kuribo karne board para green crackers chari kena sop firecrackers jolabole aru bikiri kuriwole bon kuria ase kuishie.
Ituh specific festivals chari kena alak josm karne green crackers jolabo kuile advance permission concerned district Deputy Commissioners logo lubo lage kuyi kena janayi dishie, ituh bhi khali dui ghante karne.
State Pollution Control Board para District Magistrates, Commissioners aru Superintendent of Police ke direction bhi dishie, sop guidelines khan palom kuribole aru hodai daily action reports board logo te submit kuribole adesh bhi dishie. Khali ituh he nahoi kena police khan ke Assam rajey te crackers supply rukhabole karne sop suppliers opor te action lobule adesh dishie.