नागपूर येथील ५०० चौरस फुटांपेक्षा कमी क्षेत्रफळ असलेल्या घरांचा मालमत्ता कर  माफ करण्याची घोषणा करण्यात यावी.

मुंबई ही महाराष्ट्राची राजधानी असून देशाची आर्थिक राजधानीसुद्धा आहे. नवीन वर्ष २०२२ ची भेट म्हणून आपण आज मुंबई व ठाणे येथील ५०० चौरस फुटांपेक्षा कमी क्षेत्रफळ असलेल्या घरांचा मालमत्ता कर माफ करण्याची घोषणा केली. या घोषणेमुळे मुंबई आणि ठाण्यातील तब्बल १६ लाख घरांना या निर्णयाचा लाभ मिळणार आहे, ही चांगली गोष्ट आहे.
 
नागपूरचा विचार केल्यास, नागपूर हे देशाच्या केंद्रस्थानी वसले असून महाराष्ट्राची उपराजधानी आहे. हे शहर देशाच्या प्रत्येक मोठ्या शहरांना जोडले गेले असून दळण-वळणाच्या दृष्टीने महत्वाचे शहर आहे. नागपूरमध्येसुद्धा मोठ्या प्रमाणात ५००  चौरस  फुटांपेक्षा  कमी  क्षेत्रफळ  असलेल्या  घरांच्या  वसाहती  आहेत. ज्याप्रमाणे मुंबई व ठाणे येथील ५०० चौरस फुटांपेक्षा कमी क्षेत्रफळ असलेल्या घरांचा मालमत्ता कर आपण माफ केलात, त्याचप्रमाणे उपराजधानी नागपूर येथील घरांसाठीसुद्धा मालमत्ता करमाफी घोषित करण्यात यावी, जेणेकरून आर्थिकदृष्ट्या कमजोर वर्गाला न्याय मिळेल.
 
आपण राज्याचे मुख्यमंत्री असल्यामुळे राज्यातील इतर शहरांचासुद्धा आपल्याला विचार करावा लागणार आहे. मुंबई व ठाणेच्या धर्तीवर नव-वर्षाची भेट म्हणून नागपूर येथील ५०० चौरस फुटांपेक्षा कमी क्षेत्रफळ असलेल्या घरांचा  मालमत्ता कर  माफ करण्याची घोषणा करण्यात यावी, अशी नम्र विनंती मी आपणांस या पत्राच्या माध्यमातून करीत आहे.  अशा आशयाचे पत्र
  माजी आमदार डॉ आशिष देशमुख यांनी  मुख्यमंत्र्यांना पाठविले आहे.