अवैध राखेची वाहतूक करणाऱ्या टिप्परने चौघांना चिरडले

गंगाखेड : अवैध राखेची वाहतूक करणाऱ्या टिप्पर आणि प्रवाशी ऑटो च्या भीषण धडकेत चार जण जागीच ठार झाल्याची घटना करम पाटी  येथे घडली आहे.
 परळी- गंगाखेड रोडवरील सोनपेठ पोलीस ठाण्याच्या हद्दीतील करम पाटी जवळ रविवारी सायंकाळी साडेसातच्या सुमारास ही  घटना घडलीय.
 विनापरवाना राखेची वाहतुक करणारे टिप्पर परळी - गंगाखेड मार्गावर भरधाव वेगात टिप्पर चालत असल्याने  या महामार्गावर सातत्याने अपघात होत असतात. आज दि 13 डिसेंबर रोजी  परळीहून गंगाखेडला निघालेल्या भरघाव टिप्परने  सोनपेठ तालुक्यातील चुकार पिंप्री येथून लग्न समारंभ आटोपून अंबाजोगाई कडे येणाऱ्या प्रवासी ॲटोला   करम पाटी येथे जोराची धडक दिली. या धडकेत ॲटोमधील विशाल बागवाले ( वय 20),दत्ता भागवत सोळंके (वय 25) ,आकाश चौधरी ( वय 23) आणि ॲटो चालक मुकुंद मस्के (वय 22) सर्व राहणार अंबाजोगाई हे चार जण जागीच ठार झाले. या अपघातात मृत झालेल्या चौघांचे मृतदेह गंगाखेड उपजिल्हा रुग्णालयात शवविच्छेदनासाठी पाठविण्यात आले आहेत.