Aji Shaheed Bhagat Singh laga 113 birth anniversary din teh, tayi laga bapna ami khan ke etia tak hosla jatayi kena thakia khan pura desh yaad kuria ase. Shaheed Bhagat Singh desh laga azadi karne revolutionary shuru kuridia movement leader ekta ase. Tayi British sarkar laga khilaf pura josh di kena ami khan laga desh azadi karne larayi kurishie.
Shaheed Bhagat Singh 1907 sal teh jonom huishie, tayi laga sopse jawan samoy 23 sal teh British sarkar para tayi ke phasi di kena ami khan laga desh karne jiven dishie.
Bhagat singh bishi alak aru mon dangor shokara ekjun ase. Baccha samoy para banduk laga khisa khan bishie mon di kena koyi thake kuishie. Tayi laga kheti teh banduk pali kena British sarkar logo teh larayi kuriwo koi thakia baccha ekta ase.
March 23 1931 sal teh ek gonta agee Bhagat Singh ke phasi di kena morayi dishie. Tayi eku monduk nakuri kena khushi khushi hansi kena phasi bhi luyishie.
Ekjun manu para revolution shuru kuriwole tuh asan nahoi. Yate eku samoy likhi kena nai, kontu din teh kuriwo nahoi lebhi ek din para pariwole laga kam nahoi. Eneka kam tuh khali Shaheed Bhagat Singh nishina mon dangor aru saahas thakia manu heh pariwo.
Shaheed Bhagat Singh ami khan laga desh azadi karne pura mon di kena tayi laga jiven diya tuh sopse dangor example ekta ase.
Aji tayi laga 113 jonom jayanti teh tai ke salam diya ase.