वृत्तसंस्था: आयपीएलच्या यंदाच्या हंगामात प्ले ऑफमध्ये प्रवेश करणाऱ्या बंगळूरुच्या संघात उत्साहाचे वातावरण आहे. संघाचा माजी खेळाडू ख्रिस गेलने बंगळूरुच्या खेळाडूंची भेट घेत त्यांचे प्रोत्साहन वाढविले. यावेळी विराटने गेलला आरसीबीची जर्सी भेट दिली. हा व्हीडिओ सध्या सोशल मीडियावर प्रचंड व्हायरल झाला आहे. आरसीबीने पोस्ट केलेल्या या व्हीडिओत विराट गेलकडे पाहून हसला आणि म्हणाला, पुढच्या वर्षी परत ये, इम्पॅक्ट प्लेयरचा नियम अजूनही लागू आहे. आता तुला क्षेत्ररक्षण करावे लागणार नाही, तो तुझ्यासाठीच तयार केला आहे. तर गेलने विराटला या मोसमात जास्तीत - जास्त षटकार ठोकल्याचे सांगितले.