यवतमाळ: उमरखेड जवळ असलेल्या नागापूर रूपाळा येथील वराड एका आईचंर क्रमांक MH04DD8608 या वाहनाने लग्न घेऊन महागाव तालुक्यातील वडद येथे आज दिनांक 21 मे रोजी लग्नाला गेले होते लग्न लागल्यानंतर वऱ्हाडी मंडळी त्या आईचर वाहनामध्ये बसून गावाकडे येत असताना उमरखेड पासून जवळ असलेल्या चिल्ली या गावाजवळ दिनांक 21 मे रोजी दुपारी साडेतीन वाजताच्या दरम्यान ट्रक ड्रायव्हर आरोपी वहीद हमीद उल्ला खान पठाण वय 39 वर्ष राहणार ढाणकी तालुका उमरखेड यांनी ट्रकच्या केबिनमध्ये बसलेल्या अल्पवयीन मुलीचा चालत्या ट्रक मध्ये विनयभंग केला असून तशी तक्रार खुद्द स्वतः पिडीत अल्पवयीन मुलीने उमरखेड पोलिसात केली असून त्या आरोपीवर 354, 354 A, तसेच बाल लैंगिक अत्याचार कलम 8 व 12 नुसार गुन्हा नोंद केला असून आरोपी वहीद हमीद पठाण याला उमरखेड पोलिसांनी अटक केली आहे.
पीडित अल्पवयीन मुलीने या आरोपीवर कठोरात कठोर कारवाई करावी अशी शासनाकडे विनंती केली आहे. पुढील तपास उमरखेड पोलीस निरीक्षक सोळंके यांच्या मार्गदर्शनात पीएसआय घोडेस्वार हे करीत आहेत.