बारामती: ईव्हीएमवर 'कमळ' चिन्ह नसल्याने आजोबांचा संताप झाल्याचा बारामती लोकसभा मतदारसंघातील पुण्यातील धायरीच्या काका चव्हाण शाळेतील मतदानादरम्यान एक आजोबा संतापल्याचा व्हीडिओ व्हायरल झाला आहे. ईव्हीएमवर कमळ चिन्ह न दिसल्यामुळे आजोबा संतापले. सुनेत्रा पवार राष्ट्रवादी काँग्रेसकडून निवडणूक लढत आहेत. त्यांचे चिन्ह घड्याळ आहे, तर शरद पवार यांच्या राष्ट्रवादीकडून सुप्रिया सुळे उभ्या आहेत. त्यांचे चिन्ह तुतारी वाजवणारा माणूस आहे.
भाजपा आणि अजित पवार यांच्या राष्ट्रवादीची युती असल्यामुळे बारामतीत कमळ चिन्ह नाही आहे. त्यामुळे भाजपच्या पारंपरिक मतदारांचा असा संताप व्यक्त झाला आहे. ईव्हीएमवर कमळाचे फूल नाही, कमळ हे चिन्हच नाही, उमेदवार नाही तर त्याला आम्ही काय करणार? कमळचे चिन्ह नाही, तर आम्ही कसे मतदान करणार आहे? मतदान करायचे आहे, पण कमळ फूल कुठे आहे? असे आजोबा म्हणाले.